Mat 8:1-4 | HilAPD | STEP | Sang nagpanaog na si Jesus sa bukid, madamo nga tawo ang nagsunod sa iya.

Matthew 8:1-4

Gin-ayo ni Jesus ang Tawo nga May Delikado nga Balatian sa Panit

(Mar. 1:40-45; Luc. 5:12-16)

1 Sang nagpanaog na si Jesus sa bukid, madamo nga tawo ang nagsunod sa iya. 2 Dayon, may nagpalapit sa iya nga isa ka tawo nga may delikado nga balatian sa panit. ^{▼▼delikado nga balatian sa panit: sa iban nga mga translations, aro. Ang Griego nga pulong sini ginagamit sa pila ka klase sang balatian sa panit nga ginakabig nga mahigko, suno sa Lev. 13.} Nagluhod ang tawo sa iya kag nagsiling, “Ginoo, ^{▼▼Ginoo: ukon, Sir} kon gusto mo, mapaayo mo ako sa akon balatian para makabig ako nga matinlo.” 3 Dayon gintandog siya ni Jesus nga nagasiling, “Gusto ko. Magmatinlo ka!” Sa gilayon nagtinlo siya ^{▼▼nagtinlo siya: buot silingon, matinlo na ang iya panit kag makabig na siya nga matinlo sa ila relihiyon.} sa iya balatian. 4 Kag nagsiling si Jesus sa iya, “Indi ka gid magpanugid bisan kay sin-o parte sini, kundi magderetso ka sa pari kag magpatan-aw sa iya. ^{▼▼magpatan-aw sa iya para makita sang pari nga nadula na ang iya balatian kag makabig na siya nga matinlo sa ila relihiyon.} Dayon maghalad ka sang halad nga ginsugo ni Moises sa pagpamatuod sa mga tawo nga matinlo ka na.”