Psa 60:5-12 | HilAPD | STEP | Luwasa kami paagi sa imo gahom. Sabta ang amon mga pangamuyo para maluwas kami nga imo mga hinigugma.

Psalms 60:5-12

5 Luwasa kami paagi sa imo gahom.
Sabta ang amon mga pangamuyo para maluwas kami nga imo mga hinigugma.
6 O Dios, nagsiling ka didto sa imo templo,
“Magadaog ako; partidahon ko ang Shekem kag ang Kapatagan sang Sucot sa akon katawhan.
7 Akon ang Gilead subong man ang Manase.
Ang Efraim amo ang akon manugdepensa, ^{▼▼manugdepensa: sa literal, helmet}
kag ang Juda amo ang akon manugdumala. ^{▼▼manugdumala: sa literal, sungkod sang hari}
8 Ang Moab akon suluguon ^{▼▼suluguon: sa literal, palanghinawan}
kag ang Edom akon ginapanag-iyahan. ^{▼▼akon ginapanag-iyahan: ukon, akon ulipon. Sa literal, ginahabuyan ko sang akon sandalyas.}
Nagasinggit ako sang kadalag-an kontra sa Filistia.”
9 Sin-o ang magadala sa akon sa Edom kag sa siyudad sini nga napalibutan sang mga pader?
10 Indi bala ikaw, O Dios, nga nagsikway sa amon kag wala na nagaupod sa amon mga soldado?
11 Buligi kami kontra sa amon mga kaaway,
kay wala sing pulos ang bulig sang tawo.
12 Magadaog kami paagi sa imo bulig, O Dios,
kay pierdihon mo ang amon mga kaaway.