Leviticus 23:33-36
पबितर-तम्बूमन के तिहार
33फेर यहोवा ह मूसा ला कहिस, 34“इसरायलीमन ला कह: ‘सातवां महिना के पंदरहवां दिन यहोवा के पबितर-तम्बूमन के तिहार सुरू होथे अऊ येह सात दिन तक चलथे। 35पहिली दिन पबितर सभा होवय; ओ दिन कोनो काम झन करव। 36ये सातों दिन यहोवा ला जेवन-बलिदान चघावव, अऊ आठवां दिन तुमन पबितर सभा करव अऊ यहोवा ला जेवन-बलिदान चघावव। येह तिहार खतम करे के बिसेस सभा अय; ओ दिन रोजमर्रा के काम झन करव।
Copyright information for
HneSCA