Psalms 1
भाग 1
भजन-संहिता 1–41
1धइन अय ओ मनखे,जऊन ह दुस्टमन के चाल म नइं चलय
या पापीमन के रद्दा म ठाढ़ नइं होवय,
या ठट्ठा करइयामन के संग म नइं बईठय,
2पर ओह यहोवा के कानून म खुस रहिथे,
अऊ ओह ओकर कानून म रात अऊ दिन मनन-चिंतन करत रहिथे।
3ओ मनखे ह ओ रूख सहीं अय, जऊन ला बहत नरवा के तीर म लगाय गे हवय,
अऊ सही समय म फरथे,
अऊ जेकर पान ह कभू नइं अयलाय—
जऊन कुछू ओह करथे, ओह सफल होथे।
4दुस्ट मनखेमन अइसे नइं होवंय,
ओमन बदरा जइसे होथें,
जऊन ला हवा ह उड़िया ले जाथे।
5एकरसेति दुस्ट मनखेमन अदालत म ठहर नइं सकंय,
अऊ न ही पापीमन धरमीमन के सभा म ठहिरहीं।
6काबरकि यहोवा के नजर ह धरमीमन के चालचलन ऊपर रहिथे,
पर दुस्टमन के चालचलन ह ओमन ला बिनास कोति ले जाथे।
Copyright information for
HneSCA