Psa 3 | HneSCA | STEP | दाऊद के एक भजन। जब ओह अपन बेटा अबसालोम करा ले भागत रिहिस। हे यहोवा, कतेक जादा हवंय मोर बईरीमन! कतेक मनखेमन मोर बिरोध म ठाढ़ होवत हें!

‏ Psalms 3

दाऊद के एक भजन। जब ओह अपन बेटा अबसालोम करा ले भागत रिहिस।

1 हे यहोवा, कतेक जादा हवंय मोर बईरीमन!
कतेक मनखेमन मोर बिरोध म ठाढ़ होवत हें!
2 बहुंते झन मोर बारे म कहत हें,
“परमेसर ह ओला नइं बचाय।”

3 पर हे यहोवा, तेंह मोर चारों कोति एक ढाल अस,
तेंह मोर महिमा अस, अऊ तेंह मोर मुड़ ला ऊंचहा करथस।
4 मेंह यहोवा ला जोर से पुकारथंव,
अऊ ओह अपन पबितर पहाड़ ले मोला जबाब देथे।

5 मेंह लेटथंव अऊ सुत जाथंव;
मेंह फेर जागथंव, काबरकि यहोवा ह मोला संभालथे।
6 मेंह ओ हजारों-हजार मनखेमन ले नइं डरंव,
जेमन चारों कोति ले मोर ऊपर हमला करथें।

7 हे यहोवा, उठ!
हे मोर परमेसर, मोला बचा!
मोर जम्मो बईरीमन के जबड़ा म मार;
अऊ दुस्टमन के दांत ला टोर दे।

8 छुटकारा यहोवा ही देथे।
हे यहोवा, तोर आसीस तोर मनखेमन ऊपर होवय।