Psa 108 | IslLO | STEP

‏ Psalms 108

1 ^{▼▼108:1 í sumum biblíum.} – 2 ^{▼▼108:1 í flestum biblíum.} Ó, Guð, nú vil ég lofa þig! Ég vil syngja og fagna frammi fyrir þér.

3 ^{▼▼108:2 í flestum biblíum.} Vaknaðu, harpa og gígja! Við viljum bjóða morgunroðann velkominn með söng! 4 ^{▼▼108:3 í flestum biblíum.} Ég vil lofa þig um víða veröld, Drottinn, vegsama þig hjá hverri þjóð. 5 ^{▼▼108:4 í flestum biblíum.} Því að miskunn þín nær til skýjanna og trúfesti þín er ómælanleg! 6 ^{▼▼108:5 í flestum biblíum.} Láttu tign þína og mátt birtast og dýrð þína breiðast yfir jörðina. 7 ^{▼▼108:6 í flestum biblíum.} Hlustaðu á ákall vina þinna og bjargaðu þeim með krafti þínum, já, bænheyrðu þá.

8 ^{▼▼108:7 í flestum biblíum.} Fögnum og gleðjumst því að við höfum fengið loforð frá Guði! Hann hefur lofað að gefa okkur Síkemland og Súkkótdal. 9 ^{▼▼108:8 í flestum biblíum.} „Ég á Gíleað, ég á Manasse og Efraím er hjálmurinn á höfði mínu. Júda er veldissproti minn 10 ^{▼▼108:9 í flestum biblíum.} en Móab og Edóm fyrirlít ég og yfir Filisteu æpi ég siguróp.“

11 ^{▼▼108:10 í flestum biblíum.} Hver nema Guð getur veitt mér styrk til að sigrast á víggirtum borgum? Hver nema hann getur opnað mér leið inn í Edóm?

12 ^{▼▼108:11 í flestum biblíum.} Drottinn, hefur þú útskúfað okkur? Hefur þú gert her okkar óvígan? 13 ^{▼▼108:12 í flestum biblíum.} Ó, veittu okkur lið gegn óvinum okkar, því að mannahjálp er gagnslaus. 14 ^{▼▼108:13 í flestum biblíum.} Með hjálp Guðs munum við vinna hetjudáð og hann mun gjörsigra óvini okkar.