Psa 41 | IslLO | STEP

‏ Psalms 41

1 ^{▼▼41:1 í sumum biblíum.} – 2 ^{▼▼41:1 í flestum biblíum.} Guð blessar þann sem hjálpar bágstöddum. Á mæðudeginum bjargar Drottinn honum. 3 ^{▼▼41:2 í flestum biblíum.} Drottinn verndar hann og heldur í honum lífinu. Hann lætur hann njóta sæmdar og frelsar hann frá óvinum hans. 4 ^{▼▼41:3 í flestum biblíum.} Drottinn annast hann á sóttarsæng, veitir honum hvíld og hressing.

5 ^{▼▼41:4 í flestum biblíum.} Ég bað: „Drottinn, miskunnaðu mér. Læknaðu sál mína því að ég hef syndgað gegn þér.“

6 ^{▼▼41:5 í flestum biblíum.} Óvinir mínir biðja mér bölbæna og segja: „Bara að hann deyi sem fyrst svo að allir gleymi honum!“ 7 ^{▼▼41:6 í flestum biblíum.} Sumir sem heimsækja mig í veikindunum eru að þykjast. Innst inni hata þeir mig og líkar vel að ég er sjúkur. Þegar út er komið baktala þeir mig. 8 ^{▼▼41:7 í flestum biblíum.} Hatursmenn mínir hæða mig og spotta. Þeir skrafa og pískra hvað gera skuli þegar ég er allur 9 ^{▼▼41:8 í flestum biblíum.} „Þetta er banvænt, hvað sem það er,“segja þeir, „honum mun aldrei batna.“

10 ^{▼▼41:9 í flestum biblíum.} Og besti vinur minn, hann snerist líka gegn mér, maðurinn sem ég treysti svo vel, hann sem át við borð mitt. 11 ^{▼▼41:10 í flestum biblíum.} En, Drottinn, yfirgef mig ekki! Miskunnaðu mér og læknaðu mig svo að ég geti endurgoldið þeim! 12 ^{▼▼41:11 í flestum biblíum.} Ég veit að þú elskar mig og að þú munt ekki láta óvini mína hlakka yfir mér. 13 ^{▼▼41:12 í flestum biblíum.} Vegna sakleysis míns hefur þú varðveitt mig og lætur mig lifa með þér að eilífu.

14 ^{▼▼41:13 í flestum biblíum.} Lofaður sé Drottinn, Guð Ísraels, frá eilífð til eilífðar. Amen. Amen.