Psa 63 | IslLO | STEP | Þennan sálm orti Davíð þegar hann leitaði skjóls í Júdeueyðimörkinni.

‏ Psalms 63

1 ^{▼▼63:1 í sumum biblíum.} Þennan sálm orti Davíð þegar hann leitaði skjóls í Júdeueyðimörkinni.

2 ^{▼▼63:1 í flestum biblíum.} Ó, þú Guð minn, ég leita þín! Mig þyrstir eftir þér í þessari skrælnuðu eyðimörk. Ó, hve ég þrái þig! 3 ^{▼▼63:2 í flestum biblíum.} Þegar ég gekk um í helgidómi þínum þá leitaði ég þín, þráði að sjá veldi þitt og dýrð.

4 ^{▼▼63:3 í flestum biblíum.} Miskunn þín er betri en lífið sjálft! Með vörum mínum lofa ég þig. 5 ^{▼▼63:4 í flestum biblíum.} Ég vil lofa þig svo lengi sem ég lifi, lyfta höndum mínum í bæn til þín. 6 ^{▼▼63:5 í flestum biblíum.} Þá mun sál mín mettast og verða glöð, og munnur minn lofa þig með fögnuði.

7 ^{▼▼63:6 í flestum biblíum.} Ég ligg andvaka um nætur og hugsa um þig, rifja upp öll þau skipti sem þú hefur hjálpað. 8 ^{▼▼63:7 í flestum biblíum.} Þá fyllist ég gleði, finn mig öruggan hjá þér. 9 ^{▼▼63:8 í flestum biblíum.} Ég vil halda mér fast við þig, og styðjast við þína sterku hönd. 10 ^{▼▼63:9 í flestum biblíum.} Þeir munu sjálfir deyja sem brugga mér banaráð, og hverfa niður til heljar. 11 ^{▼▼63:10 í flestum biblíum.} Þeir munu falla fyrir sverði, verða sjakölum að bráð.

12 ^{▼▼63:11 í flestum biblíum.} Ég vil gleðjast í Guði! Og þeir sem honum treysta skulu fagna sigri því að munni lygaranna hefur verið lokað.