Psa 80 | IslLO | STEP

‏ Psalms 80

1 ^{▼▼80:1 í sumum biblíum.} – 2 ^{▼▼80:1 í flestum biblíum.} Þú hirðir Ísraels sem leiðir þjóð þína eins og hjörð. Þú Guð sem situr á hásæti uppi yfir verndarenglunum, beygðu þig niður og hlustaðu á bæn mína. Láttu veldi þitt birtast í geisladýrð! 3 ^{▼▼80:2 í flestum biblíum.} Leyfðu ættkvíslum Efraíms, Benjamíns og Manasse að verða vitni að því er þú frelsar okkur með mætti þínum.

4 ^{▼▼80:3 í flestum biblíum.} Dragðu okkur til þín á ný, ó Guð. Líttu til okkar með velþóknun og kærleika, það er okkar eina von. 5 ^{▼▼80:4 í flestum biblíum.} Ó, Drottinn, þú Guð sem stjórnar hersveitum himnanna, hve lengi ætlar þú að draga bænheyrsluna og láta reiði þína haldast? 6 ^{▼▼80:5 í flestum biblíum.} Þú hefur alið okkur á sorg og sút 7 ^{▼▼80:6 í flestum biblíum.} og gert okkur að andstyggð í augum nágrannaþjóðanna sem hæða okkur og spotta.

8 ^{▼▼80:7 í flestum biblíum.} Drottinn hersveitanna, dragðu okkur til þín á ný. Líttu til okkar með velþóknun og kærleika, annars er úti um okkur. 9 ^{▼▼80:8 í flestum biblíum.} Þú fluttir okkur frá Egyptalandi eins og gæðavínvið, upprættir heiðingjana og gróðursettir okkur í landinu. 10 ^{▼▼80:9 í flestum biblíum.} Þú plægðir jörðina og braust landið, við skutum rótum og klæddum hæðirnar.

11 ^{▼▼80:10 í flestum biblíum.} Við skyggðum á fjöllin og breiddum úr okkur eins og greinar sedrustrésins, 12 ^{▼▼80:11 í flestum biblíum.} þöktum landið frá Miðjarðarhafi og allt til Evfrat. 13 ^{▼▼80:12 í flestum biblíum.} En nú hefur þú brotið niður múra okkar og eftir stöndum við varnarlausir. 14 ^{▼▼80:13 í flestum biblíum.} Landið hefur verið eytt og er nú orðið að bústað villidýra.

15 ^{▼▼80:14 í flestum biblíum.} Við biðjum þig, þú Guð hinna himnesku hersveita, komdu og blessaðu okkur. Líttu niður af himni, sjáðu þjáningar okkar og hlúðu að þessum vínviði þínum! 16 ^{▼▼80:15 í flestum biblíum.} Vernda það sem þú sjálfur gróðursettir, einkasoninn þinn! 17 ^{▼▼80:16 í flestum biblíum.} Óvinirnir lögðu okkur að velli og kveiktu í borgunum. Þeir farast fyrir augliti þínu! 18 ^{▼▼80:17 í flestum biblíum.} Styrktu manninn sem þú elskar, soninn sem þú valdir 19 ^{▼▼80:18 í flestum biblíum.} og við munum aldrei snúa við þér baki. Lífgaðu okkur á nýjan leik og þá skulum við ákalla þig.

20 ^{▼▼80:19 í flestum biblíum.} Drottinn, Guð hersveitanna, dragðu okkur til þín á ný. Líttu niður til okkar og láttu okkur sjá velþóknun þína.