2Cor 6 | KLV | STEP | Ginamit namttoum mai aGot, namtous idaŋ ke, navoian aGot toviol kǝmas hǝni mai gamito, satipat kǝmas.

a 6.2Isa 49.8

f 6.16Lev 26.12; Eze 37.27

g 6.17Isa 52.11

h 6.182Sam 7.14; Isa 43.6

‏ 2 Corinthians 6

1 Ginamit namttoum mai aGot, namtous idaŋ ke, navoian aGot toviol kǝmas hǝni mai gamito, satipat kǝmas. 2 Husur len natosian san aGot ike,

“Len namityal tonor hǝni,
nosǝsǝloŋ hǝn gaiug.
Ale len nǝboŋ hǝn nǝb̃ilav kuv gaiug dan nǝsaan sam̃,
novi tarhǝt sam̃.” ^a
Mǝtesǝsǝloŋ! Gagai evi namityal tonor. Damǝŋai evi nǝboŋ hǝn aGot b̃ilav kuv nǝvanuan dan nǝsaan salito.

3 Len nǝmauran sinamito, namtsagol natideh hǝn avan ideh b̃ipes hab̃et lan, teh dan nadǝlomian san. Nǝmauran sinamit imaienan hǝn avan ideh asike b̃isor mǝdas na-kel-uri-an tovoi sil ginamit namttokel uri. 4 Be len natit p̃isi namttogole, nǝvanuan lolǝboi lǝb̃erisi ke, namttovi vanuan nauman siGot. Imasil len nǝmauran sinamito. Namtudaŋ b̃ur na-lǝŋon-isa-vǝsa-an nǝboŋ nǝvanuan lotomǝdas ginamito. Namtudaŋ b̃ur natit gail lotogol na-lǝŋon-isa-an, mai namtudaŋ b̃ur nǝmauran todaŋ. 5 Nǝvanuan gail luṽas habat hǝn ginamito, loriŋ ginamit len naim bǝbaŋis, loluṽoh hǝn lǝb̃emǝdas bun ginamito. Namtoum idaŋ habat, namtsǝpat savoi, nǝmal ihat ginamito. ^b 6 Len natgalenan imasil ke, namttovi vanuan nauman siGot. Nǝlonamit imasil bathut nǝmauran sinamit iveveu. Namtukad na-lǝboi-sǝhoti-an hǝn nakitinan, namtutoh mǝdau naut kǝmas nǝmauran todaŋ. Namtugol navoian hǝn namtb̃evi tarhǝt sinǝvanuan gail, nǝlonamit epul hǝn aNunun aGot, namtolǝmas bun nǝvanuan gail len nakitinan. 7 Namtukel ur nakitinan len nǝdaŋan siGot. Nanoran namttokade len nǝhon aGot ehum nab̃u nǝb̃alan len navǝlanamit nǝmatu hǝn namtb̃ib̃al hǝni, mai nasilt ^{▼▼6.7Nasiltevi nahudhut nǝtarhai o nametǝlai top̃osp̃os gototǝgau len navǝlam̃ nǝmair hǝn gǝb̃esusuah lan len nab̃iltib̃alan. Asike gǝb̃esusuah lan, naenemi gail dereh lisar bun gaiug o dereh lita bun gaiug.} len navǝlanamit nǝmair hǝn namtb̃esusuah lan. 8 Nǝvanuan galevis loputsan nahǝsanamito, galevis am lunau ke namttovi ut kǝmas ŋai. Nǝvanuan galevis lusor sal suh ginamito, galevis am lusor mǝdas nahǝsanamito. Namtokitin be luke namttovi vanuan gǝgǝras. 9 Naut kǝmas lotolǝboi ginamito, lokǝta sǝhor ginamit hum lototǝtan hǝn ginamito. Akis nǝmatan sinamit ipat pǝpadaŋ, be mǝteris, namtumaur sal! Lobilas habat hǝn ginamito be lǝsagol namtsǝmat sal. 10 Namtulolosa be namtukemkem tabtab. Namtovi mǝsal, be namtugol nǝvanuan isob̃ur lopul hǝn natit topat vi sutuai. Ehum namtsǝkad natideh, be ginamit m̃au namtukad natit p̃isi!

11 Gamit a Korint, namtosǝman nakitinan len gamito tia. Namtolǝmas masuṽ hǝn gamito len nǝlonamit kavkav. 12 Namtoviol habat hǝn na-lǝmas-buni-an sinamit mai gamito, be gamit mǝtoviol kinit na-lǝmas-buni-an samit mai ginamito. 13 Gagai nusor mai gamit hum mǝttovi anatugw gail. Mitivar na-lǝmas-buni-an sinamito. Mǝtelǝmas bun ginamit sum̃an namttolǝmas bun gamito.

Samtib̃on mai alat lǝsǝkad nadǝlomian

14 Samtib̃on mai alat lǝsǝkad nadǝlomian sum̃an mǝttop̃itp̃itoṽ mai galito. Samteudud mai galito. Naten sanor. Husur nanoran edǝdas b̃ib̃on mai nǝsaan boŋ ideh, mai nam̃ial edǝdas b̃ikad nab̃onan mai nǝmargobut. 15 Mǝtunau ke aKristo mai aSetan ^{▼▼6.15Len naut egai nasoruan ta Kris ikeaPeliar.Ale nǝvanuan lokis aSetan hǝn aPeliar mai aPelial.} arosua len natideh a? Aoa! Ale nǝvanuan nadǝlomian mai nǝvanuan sǝkad nǝdǝlomian arolǝboi arb̃esua mabe? Arodǝdasi! 16 Ale naim siGot, sanor hǝn nǝvanuan b̃ilotu hǝn nǝlablab gail lohoim. Be gidat m̃au datovi im siGot nǝkadun nǝmauran. ^e Ehum aGot tokele ke,

“Dereh nitoh len galito.
Dereh niyar mai galito.
Ginau dereh nevi Got salito,
ale levi nǝvanuan sagw gail.” ^f
17 Imaienan, Nasub̃ aGot ikele am ke,

“Mǝtepǝpehw dan galito. Mititoh a tut dan galito.
Samtibar natideh tob̃iŋb̃iŋal len nabunusian sagw.
Mǝtb̃igol b̃imagenan,
dereh nehǝhaṽur hǝn mǝtb̃itoh mai ginau. ^g
18 Beti ginau dereh nevi atǝmamito,
ale gamit mǝtevi anatugw gail mai anatvavigw gail.”
Nasub̃ aB̃iltidaŋan ekǝmaienan. ^h