1Ch 3 | KaaIBT22C | STEP | Даўыттың Хебронда туўылған уллары мыналар: туңғышы изреелли Ахиноамнан туўылған Амнон, екиншиси кармелли Абигайылдан туўылған Даниел,

‏ 1 Chronicles 3

Даўыттың уллары

1 Даўыттың Хебронда туўылған уллары мыналар: туңғышы изреелли Ахиноамнан туўылған Амнон, екиншиси кармелли Абигайылдан туўылған Даниел, 2 үшиншиси Гешур патшасы Талмайдың қызы Маахадан туўылған Абшалом, төртиншиси Хаггиттен туўылған Адония, 3 бесиншиси Абиталдан туўылған Шефатия, алтыншысы ҳаялы Эгладан туўылған Итреам. 4 Даўыттың бул алты улы Хебронда туўылды. Даўыт Хебронда жети жыл алты ай, соңынан Ерусалимде отыз үш жыл патшалық қылды. 5 Даўыттың Ерусалимде туўылған уллары: Шимеа, Шобаб, Натан ҳәм Сулайман. Бул төртеўи Аммиелдиң қызы Бат-Шуадан ^{▼▼ Бат-Шуа – Базы қолжазбаларда «Бат-Шеба».} туўылды. 6 Олардан басқа Даўыттың Ибхар, Элишама, Элифелет, 7 Ногаҳ, Нефег, Яфиа, 8 Элишама, Эляда ҳәм Элифелет деген тоғыз улы болды. 9 Булардың барлығы Даўыттың ҳаялларынан туўылған уллары еди. Оның тоқалларынан туўылған уллары да болды. Даўыттың Тамара деген қызы да бар еди.

Сулайман патшаның урпағы

10 Рехабам Сулайманның улы еди. Рехабамнан Абия, Абиядан Аса, Асадан Еҳошафат, 11 Еҳошафаттан Еҳорам, Еҳорамнан Ахазия, Ахазиядан Иоаш, 12 Иоаштан Амасия, Амасиядан Азария ^{▼▼ Азария – басқа аты Уззия. 4Пат 15:13 қараң.}, Азариядан Иотам, 13 Иотамнан Ахаз, Ахаздан Хизкия, Хизкиядан Менашше, 14 Менашшеден Амон, Амоннан Иошия туўылды.

15 Иошияның уллары: туңғыш улы Юханан, екиншиси Еҳояким, үшиншиси Седекия, төртиншиси Шаллум.

16 Еҳоякимниң уллары: Ехония ^{▼▼ Ехония – Еҳоякинниң басқа аты, және де 17-аятта бар.} ҳәм Седекия.

17 Бабилонда тутқын болған Ехонияның уллары мыналар: Шеалтиел, 18 Малкирам, Педая, Шенассар, Еқамия, Ҳошама ҳәм Недабия.

19 Педаяның уллары: Зеруббабел ҳәм Шимей.

Зеруббабелдиң перзентлери: Мешуллам, Ханания ҳәм қарындасы Шеломит. 20 Зеруббабелдиң және бес улы бар еди: Хашуба, Оҳел, Берехия, Хасадия ҳәм Юшаб-Хесед.

21 Хананияның уллары: Пелатия ҳәм Ешая. Ешаядан Рефая, Рефаядан Арнан, Арнаннан Обадия, Обадиядан Шекания туўылды.

22 Шеканияның улы Шемая еди.

Шемаяның уллары: Хаттуш, Игал, Бариах, Неария, Шафат – барлығы болып алтаў.

23 Неарияның уллары: Элйоенай, Хизкия, Азриқам – барлығы болып үшеў.

24 Элйоенайдың уллары: Ҳодаўия, Эляшиб, Пелая, Аққуб, Юханан, Делая ҳәм Ананий – барлығы болып жетеў.