Hos 3 | KaaIBT22C | STEP | Жаратқан Ийе маған былай деди: – Сен және бар! Ойнасы бар ҳәм бузықшылық ислеген болса да, ҳаялыңа қайтадан сүйиспеншилигиңди көрсет. Жаратқан Ийе болған Мениң Израил халқын сүйгеним сыяқлы, сен де ҳаялыңды сүй. Израил халқы басқа қудайларға бурылып кетти ҳәм нығызланған кишмишти жақсы көреди.

‏ Hosea 3

Ҳошеа ҳәм оның опасыз ҳаялы

1 Жаратқан Ийе маған былай деди:

– Сен және бар! Ойнасы бар ҳәм бузықшылық ислеген болса да, ҳаялыңа қайтадан сүйиспеншилигиңди көрсет. Жаратқан Ийе болған Мениң Израил халқын сүйгеним сыяқлы, сен де ҳаялыңды сүй. Израил халқы басқа қудайларға бурылып кетти ҳәм нығызланған кишмишти жақсы көреди.

2 Солай етип, мен он бес шекел ^{▼▼ Он бес шекел – бир шекел шама менен 11 гр.} гүмиске, бир ярым хомер ^{▼▼ Бир ярым хомер – бир хомер шама менен 220 л.} арпаға өз ҳаялымды қайтарып сатып алдым. 3 Оған:

– Сен узақ ўақыт мениң менен жасайсаң. Бузықшылық қылмайсаң. Бирде бир еркекке жақынламайсаң, мен де саған жақынласпайман, – дедим. 4 Өйткени Израил халқы да узақ ўақыт даўамында патшасыз, басшысыз, қурбанлықсыз, кийели тассыз, эфод ^{▼▼ Эфод – сөзликке қараң.} ҳәм кийели мүсинсиз жасайды. 5 Соннан кейин, Израил халқы қайтадан Қудайы Жаратқан Ийени ҳәм Даўыт патшаны излейди. Ақырғы күнлерде олар Жаратқан Ийеден қорқып, Оның ийгилигин қабыллайтуғын болады.