Joh 6:15-21 | KaaIBT22C | STEP | Ийса олардың келип, Өзин патша қылыў ушын зорлық пенен услайжақ екенин билгенде, және жалғыз Өзи таўға шығып кетти.

‏ John 6:15-21

15 Ийса олардың келип, Өзин патша қылыў ушын зорлық пенен услайжақ екенин билгенде, және жалғыз Өзи таўға шығып кетти.

Ийсаның суўдың үсти менен жүриўи

(Мат 14:22-33; Мрк 6:45-52)

16 Кеш болғанда, Ийсаның шәкиртлери көлге барды. 17 Олар бир қайыққа минип, көлдиң арғы жағасындағы Капарнаҳумға қарай жол алды. Қараңғы түссе де, Ийса еле олардың қасына келмеген еди. 18 Күшли самал есип, көл толқынлана баслады. 19 Шәкиртлер бес-алты шақырымдай жүзгеннен соң, көлдиң үсти менен жүрип, қайыққа жақынласып киятырған Ийсаны көрип, қорқып қалысты. 20 Бирақ Ийса оларға:

– Бул – Мен, қорқпаңлар! – деди.

21 Сонда олар Ийсаны қайыққа миндирмекши болды. Қайық сол ўақытта-ақ олар баратырған жағаға келип тоқтады.