Luk 22:66-71 | KaaIBT22C | STEP | Таң атқаннан кейин, халық ақсақаллары, яғный бас руўханийлер менен диний муғаллимлер жыйналып мәсләҳәтлести де, Ийсаны өзлериниң жоқарғы кеңесине апарды.

‏ Luke 22:66-71

Ийса жоқарғы кеңес алдында

(Мат 26:59-66; Мрк 14:55-64; Юхн 18:19-24)

66 Таң атқаннан кейин, халық ақсақаллары, яғный бас руўханийлер менен диний муғаллимлер жыйналып мәсләҳәтлести де, Ийсаны өзлериниң жоқарғы кеңесине апарды. 67 Оннан:

– Бизлерге айт, Сен Масийхпысаң? – деп сорады.

Ийса оларға:

– Мен сизлерге айтсам да, исенбейсизлер. 68 Сизлерге сораў берсем де, жуўап бермейсизлер ^{▼▼ Базы қолжазбаларда «…ҳәм сизлер мени жибермейсизлер» деген сөзлер де бар.}. 69 Бирақ ендигиден былай, Адам Улы қүдиретли Қудайдың оң жағында отырады ^{▼▼ Заб 109:1.}, – деди.

70 Сонда ҳәммеси:

– Демек, Сен Қудайдың Улымысаң? – деп сорады.

Ийса оларға:

– Мениң Сол екенимди өзлериңиз айтып турсыз, – деп жуўап берди.

71 Сонда олар:

– Бизлерге және қандай гүўалық керек? Өз аўзынан еситтик-ғо, – дести.