Mar 11:15-19 | KaaIBT22C | STEP | Олар Ерусалимге келгенде, Ийса Ибадатханаға кирип, ол жерден сатыўшылар менен алыўшыларды қуўып шығара баслады. Ақша алмастырыўшылардың столларын, кептер сатыўшылардың отырғышларын аўдарып таслады

‏ Mark 11:15-19

Ийсаның Ибадатханадан сатыўшыларды қуўыўы

(Мат 21:12-17; Лук 19:45-48; Юхн 2:13-22)

15 Олар Ерусалимге келгенде, Ийса Ибадатханаға кирип, ол жерден сатыўшылар менен алыўшыларды қуўып шығара баслады. Ақша алмастырыўшылардың столларын, кептер сатыўшылардың отырғышларын аўдарып таслады 16 ҳәм Ибадатхананың ҳәўлиси арқалы ҳеш кимге ҳеш нәрсе алып өтиўге рухсат етпеди.

17 Соңынан халыққа тәлим берип: – «Мениң Үйим ҳәмме халықлар ушын,
Дуўа ететуғын үй деп аталады» ^{▼▼ Ийш 56:7.}, –

деп жазылмаған ба? Ал сизлер оны қарақшылардың уясына айландырдыңлар ^{▼▼ Ерм 7:11.}, – деди.

18 Бас руўханийлер ҳәм диний муғаллимлер буны еситип, Оны жоқ қылыўдың жолын изледи. Өйткени пүткил халық Ийсаның тәлимине таң қалысқанлықтан, олар Оннан қорқатуғын еди.

19 Кеш болғанда, Ийса шәкиртлери менен қаладан шығып кетти.