Mar 2:23-28 | KaaIBT22C | STEP | Бир Шаббат күни Ийса бийдай атызының арасынан өтип баратырғанда, шәкиртлери жол бойы бийдайдың масақларын үзе баслады.

‏ Mark 2:23-28

Шаббат күни ҳаққында тартыс

(Мат 12:1-8; Лук 6:1-5)

23 Бир Шаббат күни Ийса бийдай атызының арасынан өтип баратырғанда, шәкиртлери жол бойы бийдайдың масақларын үзе баслады. 24 Парисейлер Ийсаға:

– Қара, олар не ушын Шаббат күнинде ислеўге болмайтуғын исти ^{▼▼ Шығ 34:21.} ислеп атыр, – деди.

25 Ийса оларға:

– Өзи де, қасындағылар да аўқатқа мүтәж болып аш қалғанда, Даўыттың не ислегенин сизлер ҳеш оқымағансызлар ма? 26 Ол бас руўханий Абиятардың заманында Қудайдың Үйине кирип, тек руўханийлерге ғана жеўге болатуғын, усынылған нанларды өзи де жеген, қасындағыларға да берген емес пе? ^{▼▼ 1Пат 21:6.} – деди.

27 Ол және:

– Адам Шаббат күни ушын емес, ал Шаббат күни адам ушын жаратылған. 28 Сонлықтан Адам Улы Шаббат күниниң де ийеси, – деди.