Mar 3:13-19 | KaaIBT22C | STEP | Ийса таўға шығып, Өзи қәлеген адамларды шақырғанда, олар Оның қасына келди.

‏ Mark 3:13-19

Ийсаның он еки елшисин таңлаўы

(Мат 10:1-4; Лук 6:12-16)

13 Ийса таўға шығып, Өзи қәлеген адамларды шақырғанда, олар Оның қасына келди. 14 – 15 Өзи менен бирге болыў ушын, Қудайдың сөзин жәриялаўға жибериў ушын ҳәм жинлерди қуўып шығарыўға бийлик бериў ушын он екисин таңлады.

16 Ийса тайынлаған он еки елши мыналар еди: Ол Петр деп атаған Шимон, 17 Ийса Боанергес, яғный «гүлдирмаманың балалары» деп атаған Зебедейдиң уллары Яқып ҳәм Юхан, 18 Андрей, Филип, Бартоломей, Матта ^{▼▼ Матта – Лебий деп те танылған. Мат 9:9 қараң.}, Томас, Алпейдиң улы Яқып, Таддей, ўатансүйер Шимон 19 ҳәм кейин Ийсаға сатқынлық ислеген Яҳуда Исқариот.