Psa 1 | KaaIBT22C | STEP | Қандай бахытлы мынадай адам: Напәклердиң мәсләҳәти менен жүрмейтуғын, Гүнакарлардың жолына аяқ баспайтуғын, Сурбетлердиң арасында отырмайтуғын.

‏ Psalms 1

1 Қандай бахытлы мынадай адам:
Напәклердиң мәсләҳәти менен жүрмейтуғын,
Гүнакарлардың жолына аяқ баспайтуғын,
Сурбетлердиң арасында отырмайтуғын.
2 Ал ол Жаратқан Ийениң көрсетпелеринен рәҳәтленер,
Күни-түни көрсетпелериниң үстинде ой жуўыртар.
3 Ол ағын суў бойына егилген мийўе ағашына мегзер,
Мийўесин өз мәўсиминде берер,
Жапырақлары қуўрап қалмас,
Ол не ислесе де, табысқа ерисер.

4 Ал напәклер болса бундай емес,
Олар самал ушырған қаўыққа уқсар.
5 Соның ушын әдиллик болған жерде напәклер тура алмас,
Ҳақлардың жәмийетинде гүнакарларға орын болмас.
6 Жаратқан Ийе ҳақлардың жолын гүзетер,
Ал наҳақлардың жолы өлимге жетеклер.