Psa 51 | KaaIBT22C | STEP

‏ Psalms 51

1 –
2 Атқарыўшылардың жетекшисине. Эдомлы Доег Шаулдың алдына барып: «Даўыт Ахимелехтиң үйине кирди», – деп хабар берген ўақытта ^{▼▼ 1Пат 22:9-23.}, Даўыттың айтқан нәсият жыры
3 Не ушын мақтанасаң жаўызлығың менен, ҳәй, күшли адам?
Қудайдың мийрим-шәпәәти ҳәмме ўақытта мениң менен бирге.
4 Тилиң менен апат келтирерсең,
Өткир пәкиге уқсар тилиң,
Алдаўға сен шеберсең.
5 Сен жақсылықтан гөре, жаўызлықты,
Ҳақыйқаттан гөре, өтирикти жақсы көресең. Селаҳ
6 Зыян тийгизетуғын сөзлерди жақсы көресең,
Өтирикши тилди сүйесең.

7 Бирақ Қудай сени мәңги ўайран қылады,
Сени услап, шатырыңнан тартып шығарады,
Тирилер әлеминен тамырың менен қуртады. Селаҳ
8 Ҳақ адамлар буны көрип, қорқады,
Үстиңнен күлип, былай дейди:
9 «Қараңлар, бул адам Қудайға қорғаным деп сүйенбеди,
Мол байлығына үмит байлады,
Басқаларға қырғын келтирип, күшейди».

10 Ал мен Қудайдың Үйинде жасыл зәйтүн ағашындайман,
Қудайдың сүйиспеншилигине мәңги-бақый исенемен.
11 Ислериң ушын Саған мәңги алғыс айтаман,
Садық қулларыңның жәмийетинде,
Ийгиликли атыңа үмит байлап, күтемен.