Isaiah 42:1-4
Жаратқан Ийениң қулы
1«Мине, Мен қоллаған қулым,Кеўлиме унаған таңлағаным!
Мен Өз Руўхымды Оған беремен,
Ол миллетлерге әдалат алып келеди.
2Ол бақырмайды, даўысын көтермейди,
Көшелерде Оның сести еситилмейди.
3Ол майысқан қамысты сындырмайды,
Пысқып турған пиликти де өширмейди,
Садықлық пенен әдалатты иске асырады.
4Жер бетинде әдалатты орнатпағанша,
Ҳәлсиремейди, руўхы да түспейди.
Атаўлар Оның тәлимине үмит байлайды».
Copyright information for
KaaIBT22C