Luk 23:1-5 | KaaIBT22C | STEP | Сонда жыйналғанлардың ҳәммеси орынларынан турып, Ийсаны Пилатқа алып барды да,

‏ Luke 23:1-5

Ийсаның Пилатқа апарылыўы

(Мат 27:1-2, 11-14; Мрк 15:1-5; Юхн 18:28-38)

1 Сонда жыйналғанлардың ҳәммеси орынларынан турып, Ийсаны Пилатқа алып барды да, 2 Оны былай деп айыплай баслады:

– Бизлер бул адамның халқымызды жолдан азғырып жүргенин анықладық. Ол Рим императорына салық төлеўге қарсы шығып, Өзин Масийхпан, яғный Патшаман деп атайды.

3 Пилат Ийсадан:

– Сен Яҳудийлердиң Патшасымысаң? – деп сорады.

Ийса оған:

– Сол екенимди өзиң айтып турсаң, – деп жуўап берди.

4 Пилат бас руўханийлер менен халыққа:

– Мен бул адамнан ҳеш бир айып таппай турман, – деди.

5 Бирақ олар айтқанынан қайтпай:

– Ол Галила үлкесинен баслап, ҳәтте, усы жерге дейин пүткил Яҳудияда Өз тәлиматын тарқатып, халыққа қозғалаң салып жүр, – деди.