Mar 1:16-20 | KaaIBT22C | STEP | Ийса Галила көлиниң жағасы менен баратырғанда, көлге аў салып жүрген Шимонды ҳәм оның иниси Андрейди көрди. Олар балықшылар еди.

‏ Mark 1:16-20

Ийсаның дәслепки шәкиртлери

16 Ийса Галила көлиниң жағасы менен баратырғанда, көлге аў салып жүрген Шимонды ҳәм оның иниси Андрейди көрди. Олар балықшылар еди. 17 Ийса оларға:

– Мениң изиме ериңлер! Мен сизлерди адамларды аўлайтуғын аўшылар ^{▼▼ Адамларды аўлайтуғын аўшылар – Қудайдың жолына түсириўшилер.} қыламан, – деди.

18 Олар дәрриў аўларын таслап, Оның изине ерди.

19 Ийса бираз жүргеннен соң, Зебедейдиң улы Яқыпты ҳәм оның иниси Юханды көрди. Олар қайықта аўларын жамап отырған еди. 20 Ийса дәрриў оларды да шақырды. Олар да әкеси Зебедейди жумысшылар менен қайықта қалдырып, Ийсаның изине ерди.