Mar 15:1-5 | KaaIBT22C | STEP | Таң атыўдан бас руўханийлер, ақсақаллар, диний муғаллимлер ҳәм пүткил жоқарғы кеңес мәсләҳәтлесип алды да, Ийсаны байлап, римли ҳәким Пилатқа апарып тапсырды.

‏ Mark 15:1-5

Пилаттың Ийсаны тергеўи

(Мат 27:1-2, 11-14; Лук 23:1-5; Юхн 18:28-38)

1 Таң атыўдан бас руўханийлер, ақсақаллар, диний муғаллимлер ҳәм пүткил жоқарғы кеңес мәсләҳәтлесип алды да, Ийсаны байлап, римли ҳәким Пилатқа апарып тапсырды. 2 Пилат Оннан:

– Сен Яҳудийлердиң Патшасымысаң? – деп сорады.

Ийса оған:

– Сол екенимди өзиң айттың, – деп жуўап берди.

3 Бас руўханийлер Оны көп нәрселерде айыплады. 4 Пилат және Ийсадан сорап:

– Сен ҳеш жуўап бермейсең бе? Қара, олар Саған қаншама айып тағып атыр, – деди.

5 Бирақ Ийса ҳеш жуўап бермеди. Пилат буған ҳайран қалды.