Mat 12:1-8 | KaaIBT22C | STEP | Бир Шаббат күни Ийса бийдай атызының арасынан өтип баратыр еди. Шәкиртлери аш болып, бийдайдың масақларын үзип алып жей баслады.

‏ Matthew 12:1-8

Шаббат күни ҳаққында тартыс

(Мрк 2:23-28; Лук 6:1-5)

1 Бир Шаббат күни Ийса бийдай атызының арасынан өтип баратыр еди. Шәкиртлери аш болып, бийдайдың масақларын үзип алып жей баслады. 2 Буны парисейлер көрип, Оған:

– Қара, Сениң шәкиртлериң Шаббат күнинде ислеўге болмайтуғын исти ^{▼▼ Шығ 34:21.} ислеп атыр, – деди.

3 Ийса оларға:

– Өзи де, қасындағылар да аш болғанда, Даўыттың не ислегенин сизлер оқымағансызлар ма? 4 Ол Қудайдың Үйине кирип, руўханийлерден басқа өзине де, қасындағыларға да жеўге болмайтуғын, усынылған нанларды жеген емес пе? ^{▼▼ 1Пат 21:6.} 5 Шаббат күнинде руўханийлер Ибадатханада Шаббат күнине байланыслы қағыйданы бузса да гүнасыз болатуғынын Мухаддес Нызамда оқымағансызлар ма? ^{▼▼ Сан 28:9-10.} 6 Сизлерге айтатуғыным: бул жерде Ибадатханадан да уллы Биреў бар. 7 Егер сизлер: «Мен қурбанлықты емес, ал мийрим-шәпәәтти қәлеймен» ^{▼▼ Ҳош 6:6.}, – деген сөздиң мәнисин түсингениңизде еди, гүнасызларды айыпламаған болар едиңиз. 8 Адам Улы Шаббат күниниң де ийеси, – деди.