Mat 16:13-19 | KaaIBT22C | STEP | Ийса Филип Кесариясындағы үлкеге келгенде, Өз шәкиртлеринен: – Адамлар Мени, Адам Улын ким деп санайды?

‏ Matthew 16:13-19

Петрдиң Ийсаның Масийх екенин мойынлаўы

(Мрк 8:27-30; Лук 9:18-21)

13 Ийса Филип Кесариясындағы үлкеге келгенде, Өз шәкиртлеринен:

– Адамлар Мени, Адам Улын ким деп санайды? – деп сорады.

14 Олар:

– Гейбиреўлери шомылдырыўшы Яқыя, гейбиреўлери Илияс, ал базылары Еремия ямаса пайғамбарлардың бири деп санайды, – деди.

15 Ийса оларға:

– Ал сизлер Мени ким деп санайсызлар? – деди.

16 Шимон Петр жуўап қайтарып:

– Сен – Масийхсаң, тири Қудайдың Улысаң, – деди.

17 Ийса оған:

– Юнустың улы Шимон, сен бахытлысаң! Саған буны адам баласы емес, ал аспандағы Әкем ашып билдирди. 18 Саған Мениң айтатуғыным мынаў: сен – Петрсең ^{▼▼ Петр – грек тилинде «Пэтрос», тас дегенди билдиреди.}, Мен мына тастың үстине Өз жәмәәтимди орнатаман, оны өлим күшлери де жеңе алмайды. 19 Саған Аспан Патшалығының гилтлерин беремен. Сен жер бетинде нени байласаң, сол аспанда да байланады, және де, сен жер бетинде нени шешсең, сол аспанда да шешиледи, – деп жуўап берди.