Mat 24:45-51 | KaaIBT22C | STEP | Ийеси үй-ишимдегилерди басқарсын ҳәм оларға ўақтында аўқатын берсин деп тайынлаған исенимли ҳәм ақыллы хызметши ким?

‏ Matthew 24:45-51

45 Ийеси үй-ишимдегилерди басқарсын ҳәм оларға ўақтында аўқатын берсин деп тайынлаған исенимли ҳәм ақыллы хызметши ким? 46 Ийеси келгенде оның солай ислеп атырғанын көрсе, сол хызметши бахытлы! 47 Сизлерге шынын айтып турман: ийеси оны өзиниң пүткил мал-мүлкин басқарыўшы етип тайынлайды. 48 Ал егер сол хызметши жаман болып, ишинен: «Ийем тез келе қоймас», – деп ойлап, 49 хызметши жолдасларын сабап, мәскүнемлер менен бирге ишип-жесе, 50 сонда сол хызметшиниң ийеси күтпеген күни ҳәм ойламаған ўақытта келип, 51 оны аяўсыз жазалап, еки жүзлилердиң аўҳалына салады. Сол жерде ол жылап, пушайман жейди.