Mat 27:57-61 | KaaIBT22C | STEP | Кеш болғанда, Ариматиядан Юсуп атлы бир бай адам келди. Ол да Ийсаның шәкирти еди.

‏ Matthew 27:57-61

Ийсаның қәбирге қойылыўы

(Мрк 15:42-47; Лук 23:50-56; Юхн 19:38-42)

57 Кеш болғанда, Ариматиядан Юсуп атлы бир бай адам келди. Ол да Ийсаның шәкирти еди. 58 Ол Пилатқа барып, Ийсаның денесин сорады. Пилат оған бериўди буйырды. 59 Юсуп денени алып, оны таза зығыр кепинге орады да, 60 өзиниң жартаста ойылған жаңа қәбирине апарып қойды. Соңынан үлкен бир тасты домалатып, қәбирдиң аўзына қойды да, сол жерден кетип қалды. 61 Магдалалы Мәриям менен басқа Мәриям сол жерде, қәбирдиң қарсысында отырған еди.