Mat 9:9-13 | KaaIBT22C | STEP | Ийса сол жерден кетип баратырып салық кеңсесинде отырған Матта атлы адамды көрди де, оған: – Мениң изиме ер, – деди. Ол орнынан турып, Ийсаның изине ерди.

‏ Matthew 9:9-13

Маттаның шәкирт болыўы

(Мрк 2:13-17; Лук 5:27-32)

9 Ийса сол жерден кетип баратырып салық кеңсесинде отырған Матта атлы адамды көрди де, оған:

– Мениң изиме ер, – деди.

Ол орнынан турып, Ийсаның изине ерди.

10 Ийса оның үйинде дастурхан басында отырғанда, көплеген салықшылар менен гүнакарлар келип, Ол ҳәм Оның шәкиртлери менен бирге дастурханлас болды. 11 Парисейлер буны көрип, Оның шәкиртлеринен:

– Устазыңыз неге салықшылар ҳәм гүнакарлар менен бирге ас ишип отыр? – деп сорады.

12 Буны еситкен Ийса оларға:

– Шыпакерге дени саўлар емес, ал аўырыўлар мүтәж. 13 Сизлер барып: «Мен қурбанлықты емес, ал мийрим-шәпәәтти қәлеймен» ^{▼▼ Ҳош 6:6.}, – деген сөзлердиң мәнисин билип алыңлар. Себеби Мен ҳақ адамларды емес, ал гүнакарларды шақырыў ушын келдим, – деди.