1Ch 3 | KaaIBT22L | STEP | Dawıttıń Xebronda tuwılǵan ulları mınalar: tuńǵıshı izreelli Axinoamnan tuwılǵan Amnon, ekinshisi karmelli Abigayıldan tuwılǵan Daniel,

‏ 1 Chronicles 3

Dawıttıń ulları

1 Dawıttıń Xebronda tuwılǵan ulları mınalar: tuńǵıshı izreelli Axinoamnan tuwılǵan Amnon, ekinshisi karmelli Abigayıldan tuwılǵan Daniel, 2 úshinshisi Geshur patshası Talmaydıń qızı Maaxadan tuwılǵan Abshalom, tórtinshisi Xaggitten tuwılǵan Adoniya, 3 besinshisi Abitaldan tuwılǵan Shefatiya, altınshısı hayalı Egladan tuwılǵan Itream. 4 Dawıttıń bul altı ulı Xebronda tuwıldı. Dawıt Xebronda jeti jıl altı ay, sońınan Erusalimde otız úsh jıl patshalıq qıldı. 5 Dawıttıń Erusalimde tuwılǵan ulları: Shimea, Shobab, Natan hám Sulayman. Bul tórtewi Ammieldiń qızı Bat-Shuadan ^{▼▼ Bat-Shua – Bazı qoljazbalarda «Bat-Sheba».} tuwıldı. 6 Olardan basqa Dawıttıń Ibxar, Elishama, Elifelet, 7 Nogah, Nefeg, Yafia, 8 Elishama, Elyada hám Elifelet degen toǵız ulı boldı. 9 Bulardıń barlıǵı Dawıttıń hayallarınan tuwılǵan ulları edi. Onıń toqallarınan tuwılǵan ulları da boldı. Dawıttıń Tamara degen qızı da bar edi.

Sulayman patshanıń urpaǵı

10 Rexabam Sulaymannıń ulı edi. Rexabamnan Abiya, Abiyadan Asa, Asadan Ehoshafat, 11 Ehoshafattan Ehoram, Ehoramnan Axaziya, Axaziyadan Ioash, 12 Ioashtan Amasiya, Amasiyadan Azariya ^{▼▼ Azariya – basqa atı Uzziya. 4Pat 15:13 qarań.}, Azariyadan Iotam, 13 Iotamnan Axaz, Axazdan Xizkiya, Xizkiyadan Menashshe, 14 Menashsheden Amon, Amonnan Ioshiya tuwıldı.

15 Ioshiyanıń ulları: tuńǵısh ulı Yuxanan, ekinshisi Ehoyakim, úshinshisi Sedekiya, tórtinshisi Shallum.

16 Ehoyakimniń ulları: Exoniya ^{▼▼ Exoniya – Ehoyakinniń basqa atı, jáne de 17-ayatta bar.} hám Sedekiya.

17 Babilonda tutqın bolǵan Exoniyanıń ulları mınalar: Shealtiel, 18 Malkiram, Pedaya, Shenassar, Eqamiya, Hoshama hám Nedabiya.

19 Pedayanıń ulları: Zerubbabel hám Shimey.

Zerubbabeldiń perzentleri: Meshullam, Xananiya hám qarındası Shelomit. 20 Zerubbabeldiń jáne bes ulı bar edi: Xashuba, Ohel, Berexiya, Xasadiya hám Yushab-Xesed.

21 Xananiyanıń ulları: Pelatiya hám Eshaya. Eshayadan Refaya, Refayadan Arnan, Arnannan Obadiya, Obadiyadan Shekaniya tuwıldı.

22 Shekaniyanıń ulı Shemaya edi.

Shemayanıń ulları: Xattush, Igal, Bariax, Neariya, Shafat – barlıǵı bolıp altaw.

23 Neariyanıń ulları: Elyoenay, Xizkiya, Azriqam – barlıǵı bolıp úshew.

24 Elyoenaydıń ulları: Hodawiya, Elyashib, Pelaya, Aqqub, Yuxanan, Delaya hám Ananiy – barlıǵı bolıp jetew.