‏ 1 Chronicles 6

Lebiydiń urpaqları

1Lebiydiń ulları: Gershom, Qohat hám Merariy.

2Qohattıń ulları: Amram, Ishar, Xebron hám Uzziel.

3Amramnıń balaları: Xaron, Muwsa hám Máriyam.

Xaronnıń ulları: Nadab, Abihu, Elazar, Itamar. 4Elazardan Pinexas, Pinexastan Abishua, 5Abishuadan Bukkiy, Bukkiyden Uzziy, 6Uzziyden Zeraxiya, Zeraxiyadan Merayot, 7Merayottan Amariya, Amariyadan Axitub, 8Axitubtan Sadoq, Sadoqtan Aximaas, 9Aximaastan Azariya, Azariyadan Yuxanan, 10Yuxanannan Azariya tuwıldı. Azariya Erusalimde patsha Sulayman qurǵızǵan Qudaydıń Úyinde ruwxaniy bolıp xızmet etti.

11Azariyadan Amariya, Amariyadan Axitub, 12Axitubtan Sadoq, Sadoqtan Shallum, 13Shallumnan Xilkiya, Xilkiyadan Azariya, 14Azariyadan Seraya, Serayadan Iosadaq tuwıldı.

15Jaratqan Iye Yahuda hám Erusalim xalqın Nabuxodonosor arqalı súrgin qılǵanda, ▼

▼ 4Pat 24:10-17; 25:1-21.

Iosadaq ta súrgin qılınǵan edi.

Lebiydiń basqa urpaqları

16Lebiydiń ulları: Gershom, Qohat hám Merariy.

17Gershomnıń ullarınıń atları: Libniy hám Shimey.

18Qohattıń ulları: Amram, Ishar, Xebron hám Uzziel.

19Merariydiń ulları: Maxliy hám Mushiy.

Túp babası boyınsha dizimge alınǵan Lebiy urıwınıń tiyreleri mınalar:

20Gershomnıń urpaǵı: Gershomnan Libniy, Libniyden Yaxat, Yaxattan Zimma, 21Zimmadan Ioax, Ioaxtan Iddo, Iddodan Zerax, Zeraxtan Eatray tuwıldı.

22Qohattıń urpaǵı: Qohattan Amminadab, Amminadabtan Qorax, Qoraxtan Assir, 23Assirden Elqana, Elqanadan Ebyasaf, Ebyasaftan Assir, 24Assirden Taxat, Taxattan Uriel, Urielden Uzziya, Uzziyadan Shaul tuwıldı.

25Elqananıń basqa ulları: Amasay hám Aximot. 26Aximottan Elqana, Elqanadan Sofay, Sofaydan Naxat, 27Naxattan Eliab, Eliabtan Eroxam, Eroxamnan Elqana tuwıldı.

28Samueldiń ulları: tuńǵısh ulı Ioel, ekinshisi Abiya.

29Merariydiń urpaǵı: Merariyden Maxliy, Maxliyden Libniy, Libniyden Shimey, Shimeyden Uzza, 30Uzzadan Shimea, Shimeadan Xaggiya, Xaggiyadan Asaya tuwıldı.

Ushırasıw shatırındaǵı sazendeler

31Kelisim sandıǵı Jaratqan Iyeniń Úyine aparılǵannan soń, sol jerde xızmet etiw ushın Dawıt tayınlaǵan sazendelerdiń atları tómende berilgen. 32Sulayman Erusalimde Jaratqan Iyege arnap Úy qurǵanǵa deyin, olar Ushırasıw shatırında qosıq aytıp, xızmet etti. Olar óz xızmetin berilgen kórsetpeler boyınsha orınlaytuǵın edi.

33Sol jerde ulları menen birge sol xızmetti atqarıp atırǵanlar mınalar:

Qohattıń urpaǵınan: qosıqshı Heman. Heman Ioeldiń, Ioel Samueldiń, 34Samuel Elqananıń, Elqana Eroxamnıń, Eroxam Elieldiń, Eliel Toaxtıń, 35Toax Suftıń, Suf Elqananıń, Elqana Maxattıń, Maxat Amasaydıń, 36Amasay Elqananıń, Elqana Ioeldiń, Ioel Azariyanıń, Azariya Sefaniyanıń, 37Sefaniya Taxattıń, Taxat Assirdiń, Assir Ebyasaftıń, Ebyasaf Qoraxtıń, 38Qorax Ishardıń, Ishar Qohattıń, Qohat Lebiydiń, Lebiy Izraildıń ulı edi.

39Hemannıń oń jaǵında xızmet etetuǵın járdemshisi, tuwısqanı Asaf boldı. Asaf Berexiyanıń ulı bolıp, Berexiya Shimeanıń, 40Shimea Mixaildiń, Mixail Baasiyanıń, Baasiya Malkiyanıń, 41Malkiya Etniydiń, Etniy Zeraxtıń, Zerax Adayanıń, 42Adaya Etannıń, Etan Zimmanıń, Zimma Shimeydiń, 43Shimey Yaxattıń, Yaxat Gershomnıń, Gershom Lebiydiń ulı edi. 44Hemannıń shep jaǵında xızmet etetuǵın járdemshisi tuwısqanı Merariy urpaǵınan Etan boldı. Etan Kishiydiń ulı bolıp, Kishiy Abdiydiń, Abdiy Malluxtıń, 45Mallux Xashabiyanıń, Xashabiya Amasiyanıń, Amasiya Xilkiyanıń, 46Xilkiya Amsiydiń, Amsiy Baniydiń, Baniy Shemerdiń, 47Shemer Maxliydiń, Maxliy Mushiydiń, Mushiy Merariydiń, Merariy Lebiydiń ulı edi. 48Olardıń lebiyli tuwısqanları Muxaddes shatırdaǵı, Qudaydıń Úyindegi basqa barlıq xızmetlerdi orınlaw ushın tayınlandı. 49Biraq tek Xaron hám onıń urpaqları ǵana qurbanlıq orında jandırılatuǵın qurbanlıqlardı berip, tútetki tútetiletuǵın orında tútetkilerdi tútetetuǵın hám Eń muxaddes bólmede islenetuǵın barlıq xızmetlerdi atqaratuǵın edi. Olar Qudaydıń qulı Muwsa bergen barlıq buyrıqlar boyınsha, Izrail xalqın gúnadan pákleytuǵın edi.

Xaronnıń urpaǵı

50Xaronnıń urpaqları mınalar: Xaronnıń ulı Elazar, Elazardıń ulı Pinexas, Pinexastıń ulı Abishua, 51Abishuanıń ulı Bukkiy, Bukkiydiń ulı Uzziy, Uzziydiń ulı Zeraxiya, 52Zeraxiyanıń ulı Merayot, Merayottıń ulı Amariya, Amariyanıń ulı Axitub, 53Axitubtıń ulı Sadoq, Sadoqtıń ulı Aximaas.

Lebiyliler jasaǵan qalalar

54Lebiylilerdiń jasawı ushın ajıratılǵan jerler mınalar: Qohat tiyresinen shıqqan Xaronnıń urpaqlarına birinshi shek túskenlikten, 55olarǵa Yahudadaǵı Xebron hám onıń átirapındaǵı jaylawlar berildi. 56Al qala dógeregindegi atız hám awıllar Efunne ulı Kalebke berildi.

57Solay etip, Xaronnıń urpaqlarına panalaytuǵın qalalar: Xebron, Libna, Yattir, Eshtemoa, 58Xilez, Debir, 59Ashan hám Beyt-Shemesh qalaları jaylawları menen qosa berildi. 60Benyamin urıwınan da olarǵa Geba, Alemet, Anatot qalaları jaylawları menen qosa berildi. Qohat tiyresine berilgen bul qalalar barlıǵı bolıp on úsh edi.

61Qohat tiyresiniń qalǵanlarına Menashshe urıwınıń yarımınan alınǵan on qala shek taslaw arqalı berildi.

62Gershom urpaǵına tiyre sanına qaray, Issaxar, Asher, Naftaliy urıwlarınan hám Bashandaǵı Menashshe urıwınan alınǵan on úsh qala shek boyınsha berildi.

63Merariy urpaǵına tiyre sanına qaray, Ruben, Gad hám Zebulon urıwlarınan alınǵan on eki qala shek boyınsha berildi.

64Izraillılar bul qalalardı jaylawları menen qosa lebiylilerge berdi. 65Yahuda, Shimon, Benyamin urıwlarınan alınǵan hám joqarıda atları atalǵan qalalar shek taslaw arqalı berildi.

66Qohat tiyresinen bolǵan bazı shańaraqlarǵa Efrayım urıwına tiyisli jerlerden qalalar berildi. 67Olarǵa Efrayımnıń tawlı úlkesindegi panalaytuǵın qala Shexem, Gezer, 68Ioqmeam, Beyt-Xoron, 69Ayyalon hám Gat-Rimmon qalaları jaylawları menen qosa berildi.

70Qohat tiyresiniń qalǵan shańaraqlarına Menashshe urıwınıń yarımınan alınǵan Aner hám Bileam qalaları jaylawları menen qosa berildi.

71Gershom urpaǵına mına qalalar jaylawları menen qosa berildi:

Menashshe urıwınıń yarımına tiyisli jerlerden: Bashandaǵı Golan hám Ashtarot.

72Issaxar urıwınan: Kedesh, Daberat, 73Ramot hám Anem.

74Asher urıwınan: Mashal, Abdon, 75Xuqoq hám Rexob.

76Naftaliy urıwınan: Galiladaǵı Kedesh, Xammon hám Kiryatayım.

77Merariy urpaqlarınıń qalǵanlarına mına qalalar jaylawları menen qosa berildi:

Zebulon urıwınan: Rimmono hám Tabor.

78Ruben urıwınan: Erixonıń qarsı aldında, Iordan dáryasınıń shıǵıs tárepinde jaylasqan shóldegi Beser, sonday-aq, Yahasa, 79Kedemot hám Mefaat.

80Gad urıwınan: Giladtaǵı Ramot, Maxanayım, 81Xeshbon hám Yazer.