1Ch 7 | KaaIBT22L | STEP | Issaxardıń Tola, Pua, Yashub hám Shimron degen tórt ulı bar edi.

‏ 1 Chronicles 7

Issaxardıń urpaqları

1 Issaxardıń Tola, Pua, Yashub hám Shimron degen tórt ulı bar edi.

2 Tolanıń ulları: Uzziy, Refaya, Eriel, Yaxmay, Ibsam hám Samuel. Olar óz áwladlarınıń basshıları edi. Dawıt patshalıq etken dáwirde, Tola urpaqlarınıń shejiresinde olardan jigirma eki mıń altı júz márt jawınger esapqa alınǵan.

3 Uzziydiń ulı Izraxiya. Izraxiyanıń ulları: Mixail, Obadiya, Ioel hám Ishshiya. Olardıń besewi de áwlad basshıları edi. 4 Olardıń hayalları da, balaları da kóp bolǵanlıqtan, áwladınıń shejiresi boyınsha olarda urısqa jaramlı otız altı mıń adam bar edi. 5 Urıw shejiresi boyınsha, Issaxar urıwınıń tiyrelerinen seksen jeti mıń márt jawınger esapqa alınǵan.

Benyaminniń urpaǵı

6 Benyaminniń úsh ulı bar edi: Bela, Bexer hám Ediael.

7 Belanıń bes ulı bar edi: Esbon, Uzziy, Uzziel, Erimot hám Iriy. Olardıń besewi de áwlad basshıları edi. Olardıń shejiresinde jigirma eki mıń otız tórt márt jawınger dizimge alınǵan edi.

8 Bexerdiń ulları: Zemira, Ioash, Eliezer, Elyoenay, Omriy, Eremot, Abiya, Anatot hám Alemet. Bulardıń hámmesi Bexerdiń ulları edi. 9 Olardıń shejiresinde áwlad basshıları hám jigirma mıń eki júz márt jawınger dizimge alınǵan.

10 Ediaeldiń ulı: Bilhan. Bilhannıń ulları: Eush, Benyamin, Ehud, Kenaana, Zetan, Tarshish hám Axishaxar. 11 Ediaeldiń barlıq ulları áwlad basshıları edi. Olarda urısqa jaramlı on jeti mıń eki júz márt jawınger bar edi. 12 Shuppim hám Xuppim Irdiń, Xushim bolsa, Axerdiń urpaqları edi.

Naftaliy urıwı

13 Naftaliydiń ulları: Yaxsiel, Guniy, Eser hám Shallum. Olar Yaqıptıń toqalı Bilhadan taraǵan urpaqlar edi.

Menashshe urıwı

14 Menashsheniń ulları: aramlı toqalınan tuwılǵan ulları Asriel hám Maxir. Maxir Giladtıń ákesi edi. 15 Maxir Xuppim menen Shuppimniń qarındası Maaxanı hayallıqqa aldı. Menashsheniń basqa urpaǵınıń atı Selofexad bolıp, onıń tek ǵana qızları boldı.

16 Maxirdiń hayalı Maaxa ul tuwıp, atın Peresh dep qoydı. Onıń inisiniń atı Sheresh edi. Shereshtiń Ulam hám Rekem atlı eki ulı boldı.

17 Ulamnıń ulı Bedan.

Menashsheniń aqlıǵı Maxirdiń ulı Giladtıń áwladı usılardan ibarat edi.

18 Maxirdiń qarındası Hammolexet Ishhodtı, Abiezerdi hám Maxlanı tuwdı.

19 Shemidanıń ulları: Axiyan, Shexem, Likxiy hám Aniam.

Efrayımnıń urpaǵı

20 Efrayımnıń Shutelax degen ulı bar edi. Shutelaxtan Bered, Beredten Taxat, Taxattan Elada, Eladadan Taxat, 21 Taxattan Zabad, Zabadtan Shutelax tuwıldı. Efrayımnıń Shutelaxtan basqa Ezer hám Elad degen ulları da boldı. Ezer menen Elad Gat qalasınıń tiykarǵı turǵınlarına qaraslı mallardı urlap alıp ketpekshi bolǵanda, gatlılar olardı óltirdi. 22 Olardıń ákesi Efrayım uzaq waqıt aza tuttı. Sonda tuwısqanları onı jubatıwǵa keldi. 23 Efrayım jáne hayalı menen jattı hám hayalı júkli bolıp, bir ul tuwdı. Úyinde baxıtsızlıq júz bergeni ushın, ákesi balanıń atın Beria ^{▼▼ Beria – bul attıń aytılıwı evrey tilindegi «baxıtsızlıq» sózi menen únles keledi.} dep qoydı. 24 Onıń Sheera degen qızı da bar edi. Sheera tómengi hám joqarǵı Beyt-Xoron hám Uzzen-Sheera qalalarınıń tiykarın saldı.

25 Efrayımnıń Refax atlı basqa bir ulı da bar edi. Refaxtan Reshef, Resheften Telax, Telaxtan Taxan, 26 Taxannan Laadan, Laadannan Ammihud, Ammihudtan Elishama, 27 Elishamadan Nun, Nunnan Eshua tuwıldı.

28 Efrayımlılardıń jaylasqan jerleri Beyt-Eldi hám onıń dógeregindegi awıllardı, shıǵıstaǵı Naarandı, batıstaǵı Gezerdi hám onıń dógeregindegi awıllardı, Shexemdi, Ayyanı hám olardıń dógeregindegi awıllardı óz ishine aldı. 29 Menashshe urıwınıń jerlerine shegaralas Beyt-Shean, Taanax, Megiddo hám Dor qalaları, jáne olarǵa tiyisli awıllar bar edi. Izrail ulı Yusuptiń urpaǵı usı jerlerde jasadı.

Asherdiń urpaǵı

30 Asherdiń ulları: Imna, Ishwa, Ishwiy, Beria hám olardıń qız tuwısqanı Serax. 31 Berianıń ulları: Xeber hám Birzaittıń tiykarın salǵan Malkiel.

32 Xeberdiń Yaflet, Shomer, Xotam atlı ulları hám Shuwa atlı bir qızı bar edi.

33 Yaflettiń ulları: Pasax, Bimhal hám Ashwat. Yaflettiń ulları usılar edi.

34 Shamerdiń ulları: Axiy, Rohaga, Xubba hám Aram.

35 Onıń tuwısqanı Helemniń ulları: Sofax, Imna, Shelesh hám Amal.

36 Sofaxtıń ulları: Suax, Xarnefer, Shuwal, Beriy, Imra, 37 Beser, Hod, Shamma, Shilsha, Itran hám Beera.

38 Eterdiń ulları: Efunne, Pispa hám Ara.

39 Ullanıń ulları: Arax, Xanniel hám Risiya.

40 Bulardıń hámmesi Asherden taraǵan urpaqlar bolıp, olar áwlad basshıları, tańlanǵan márt jawıngerler, abıraylı basshılar edi. Asher urıwınıń shejiresi boyınsha, urısqa jaramlı jigirma altı mıń adam esapqa alınǵan edi.