‏ 1 Chronicles 8

Benyaminniń urpaqları

1Benyaminniń tuńǵısh ulı Bela, ekinshi ulı Ashbel, úshinshi ulı Axrax, 2tórtinshi ulı Noxa, besinshi ulı Rafa edi.

3Belanıń ulları: Addar, Gera, Abihud, 4Abishua, Naaman, Axoax, 5Gera, Shefufan hám Xuram.

6Gebada jasap, keyin Manaxatqa súrgin etilgen áwladlardıń basshıları bolǵan Exudtıń ulları: 7Naaman, Axiya hám bulardı baslap alıp barǵan Gera. Gera Uzza menen Axixudtıń ákesi edi.

8Shaxarayım eki hayalı Xushim menen Baaradan ajırasqannan keyin, Moab úlkesinde ullar kórdi. 9Ol keyingi alǵan hayalı Xodeshten Iobab, Sibiya, Mesha, Malkam, 10Eus, Saxiya hám Mirma atlı ullardı kórdi. Shaxarayımnıń usı ullarınıń hámmesi áwlad basshıları edi. 11Shaxarayımnıń Xushim degen hayalınan da Abitub hám Elpaal atlı eki ulı bar edi.

12Elpaaldıń ulları: Eber, Misham, sonday-aq, Ono hám Lod qalaları menen onıń átirapındaǵı awıllardı qurǵan Shemed, 13jáne Beria hám Shema. Beria menen Shema Ayyalonda jasaytuǵın xalıqtıń áwlad basshıları edi. Olar Gat turǵınların sol qaladan quwıp jibergen edi.

14Axyo, Shashaq, Eremot, 15Zebadiya, Arad, Eder, 16Mixail, Ishpa hám Ioxa – bular Berianıń ulları edi.

17Zebadiya, Meshullam, Xizkiy, Xeber, 18Ishmeray, Izlia hám Iobab – bular Elpaaldıń ulları edi.

19Yakim, Zixriy, Zabdiy, 20Elienay, Silletay, Eliel, 21Adaya, Beraya hám Shimrat – bular Shimeydiń ulları edi.

22Ishpan, Eber, Eliel, 23Abdon, Zixriy, Xanan, 24Xananiya, Elam, Antotiya, 25Ifdeya hám Penuel – bular Shashaqtıń ulları edi.

26Shamsheray, Shexariya, Ataliya, 27Yareshiya, Iliyas hám Zixriy – bular Eroxamnıń ulları edi.

28Bulardıń hámmesiniń áwlad basshıları hám kósemler bolǵanlıǵı shejirede jazılǵan. Olar Erusalimde jasadı.

Patsha Shauldıń shejiresi

29Gibonnıń tiykarın salǵan adam Gibonda jasadı. Onıń hayalınıń atı Maaxa edi. 30Tuńǵısh ulı Abdon, keyingi ulları: Sur, Kish, Baal, Nadab, 31Gedor, Axyo, Zexer 32hám Shimeanıń ákesi Miklot. Bular Erusalimde, aǵayinleriniń janında jasadı.

33Ner Kishtiń, Kish Shauldıń ákesi edi. Shaul Ionatannıń, Malkiy-Shuanıń, Abinadabtıń hám Eshbaaldıń ákesi edi.

34Ionatan Merib-Baaldıń, Merib-Baal Mixanıń ákesi edi.

35Mixanıń ulları: Piton, Melex, Tarea hám Axaz.

36Axaz Ehoaddanıń ákesi edi. Ehoadda Alemet, Azmawet hám Zimriydiń ákesi edi. Zimriy Mosanıń, 37Mosa Bineanıń, Binea Refanıń, Refa Elasanıń, Elasa Aseldiń ákesi edi.

38Aseldiń altı ulı bar edi. Olardıń atları: Azriqam, Boxeru, Ismayıl, Sheariya, Obadiya hám Xanan. Bulardıń barlıǵı Aseldiń ulları edi.

39Aseldiń inisi Eshektiń ulları: tuńǵısh ulı Ulam, ekinshisi Eush, úshinshisi Elifelet.

40Ulamnıń ulları oq jay atıwǵa sheber, márt jawıngerler boldı. Ulamnıń ulları hám aqlıqları kóp bolıp, olar barlıǵı bolıp bir júz eliw edi. Bulardıń hámmesi Benyaminniń urpaqları edi.