1 Chronicles 9
1Solay etip, pútkil Izrail xalqı Izrail patshalarınıń jılnama kitabında jazılǵan shejirege kirgizilgen edi.Súrginnen Erusalimge qaytqan xalıq
Yahuda xalqı Jaratqan Iyege qıyanet islegeni ushın, Babiloniyaǵa súrgin etilgen edi. 2Óz qalalarındaǵı óz iyeliklerine izraillılar ruwxaniyler, lebiyliler hám Ibadatxana xızmetshileri menen birge birinshi bolıp qaytıp kelip, qonıs bastı. 3Yahuda, Benyamin, Efrayım hám Menashshe urıwınan bolǵan mına adamlar Erusalimde jasadı: 4Yahudanıń ulı Perestiń urpaǵınan: Baniydiń quwlıǵı Imriydiń shawlıǵı Omriydiń aqlıǵı Ammihudtıń ulı Utay. 5Shelanıń urpaǵınan: tuńǵısh ulı Asaya hám onıń ulları. 6Zeraxtıń urpaǵınan: Euel hám onıń tuwısqanları. Yahuda urıwınan hámmesi bolıp altı júz toqsan adam edi. 7Benyamin urıwınan: Hassenuanıń shawlıǵı Hodawiyanıń aqlıǵı Meshullamnıń ulı Sallu, 8Eroxamnıń ulı Ibneya, Mixriydiń aqlıǵı Uzziydiń ulı Ela hám Ibniyanıń shawlıǵı Reueldiń aqlıǵı Shefatiyanıń ulı Meshullam. 9Shejiresinde jazılǵanı boyınsha Benyamin urıwınan toǵız júz eliw altı adam edi. Bulardıń hámmesi áwlad basshıları edi. 10Ruwxaniyler: Edaya, Ehoyarib, Yaxin 11hám Azariya. Azariya Xilkiyanıń ulı Meshullamnıń aqlıǵı Sadoqtıń shawlıǵı Merayottıń quwlıǵı Axitubtıń jawlıǵı edi. Axitub Qudaydıń Úyiniń bas xızmetkeri edi. 12Malkiyanıń shawlıǵı Pashxurdıń aqlıǵı Eroxamnıń ulı Adaya hám Immerdiń jawlıǵı Meshillemittiń quwlıǵı Meshullamnıń shawlıǵı Yaxzeranıń aqlıǵı Adieldiń ulı Maasay. 13Áwlad basshıları bolǵan Qudaydıń Úyiniń xızmetshileri barlıǵı bir mıń jeti júz alpıs adam edi. Olar Qudaydıń Úyindegi islerdi sheberlik penen atqaratuǵın edi. 14Lebiyliler: Merariy urpaǵınan: Xashabiyanıń shawlıǵı Azriqamnıń aqlıǵı Xashshubtıń ulı Shemaya, 15Baqbaqqar, Xeresh, Galal hám Mattaniya. Mattaniya Asaftıń shawlıǵı Zixriydiń aqlıǵı Mixanıń ulı edi. 16Edutunnıń shawlıǵı Galaldıń aqlıǵı Shemayanıń ulı Obadiya hám netofalılardıń awıllarında jasap atırǵan Elqananıń aqlıǵı Asanıń ulı Berexiya. 17Qudaydıń Úyindegi dárwaza qarawılları: Shallum, Aqqub, Talmon, Aximan. Olardıń tuwısqanı Shallum olardıń basshısı edi. 18Olar búginge deyin, shıǵıs táreptegi Patsha dárwazasında xızmet etip keledi. Lebiylilerdiń ordasınan bolǵan dárwaza qarawılları da usılar edi. 19Qoraxtıń shawlıǵı Ebyasaftıń aqlıǵı Qoreniń ulı Shallum hám onıń Qorax áwladınan bolǵan tuwısqanları Úydiń kirer awzın qarawılladı. Olardıń ata-babaları da Jaratqan Iyeniń Muxaddes shatırınıń kirer awzın qarawıllaǵan edi. 20Aldınǵı waqıtları Elazar ulı Pinexas dárwaza qarawılların basqarǵan edi hám Jaratqan Iye onıń menen birge edi. 21Meshelemiya ulı Zexariya Ushırasıw shatırınıń dárwazasınıń qarawılı edi. 22Tańlap alınǵan dárwaza qarawılları barlıǵı bolıp eki júz on eki adam edi. Olar awılları boyınsha shejirege kirgizildi. Olardı bul juwapkershilikli wazıypaǵa Dawıt hám kózi ashıq Samuel tayınlaǵan edi. 23Olar hám olardıń urpaqları Jaratqan Iyeniń Úyiniń, yaǵnıy Shatırınıń dárwazasında saqshılıq qılatuǵın edi. 24Olar tórt táreptegi: shıǵıs, batıs, arqa hám qubladaǵı dárwazalardı qarawılladı. 25Olardıń awıllarda jasaytuǵın tuwısqanları waqtı-waqtı kelip, jeti kúnlik xızmetti olar menen bólisip islewge minnetli boldı. 26Bas dárwaza qarawıllarınıń tórtewi de lebiyli bolıp, olarǵa Qudaydıń Úyindegi bólmeler hám ǵáziynexanalar isenip tapsırılǵan edi. 27Olarǵa Qudaydıń Úyin qarawıllaw hám hár tańda qapılardı ashıw wazıypası júklengenlikten, olar túndi Qudaydıń Úyi átirapında ótkeretuǵın edi. 28Lebiylilerdiń bazıları Qudaydıń Úyiniń xızmetinde qollanılatuǵın zatlarǵa juwapker boldı. Olar zatlardı xızmet ushın bergende de, qaytarıp alǵanda da sanaytuǵın edi. 29Olardıń basqaları Qudaydıń Úyindegi buyımlarǵa hám basqa barlıq zatlarǵa, sonday-aq sapalı unǵa, sharapqa, záytún mayına, livan shayırına hám xosh iyisli zatlarǵa juwapker edi. 30Al ruwxaniylerdiń bazıları xosh iyisli zatlardı aralastırıp tayarlaw xızmetin atqardı. 31Qoraxtıń urpaǵınan Shallumnıń tuńǵısh ulı, lebiyli Mattitiya sadaqa etip usınılatuǵın nanlardı tayarlaw xızmetine qoyılǵan edi. 32Onıń Qohat urpaǵınan bolǵan bazı tuwısqanlarına bolsa, hár Shabbat kúni usınılatuǵın nanlardı tayarlap, olardı usınıw xızmeti júklendi. 33Lebiylilerdiń áwlad basshıları bolǵan sazende hám qosıqshılar Qudaydıń Úyiniń bólmelerinde jasadı. Olar kúni-túni xızmette bolǵanlıqtan, xızmettiń basqa túrlerinen azat boldı. 34Bulardıń hámmesi urpaq shejiresi boyınsha lebiylilerdiń áwlad basshıları edi hám olar Erusalimde jasaytuǵın edi.Patsha Shauldıń shejiresi
35Gibonnıń tiykarın salǵan Eiel Gibonda jasadı. Onıń hayalınıń atı Maaxa edi. 36Eieldiń tuńǵısh ulı Abdon, keyingi ulları: Sur, Kish, Baal, Ner, Nadab, 37Gedor, Axyo, Zexariya hám Miklot. 38Miklot Shimeamnıń ákesi edi. Bular Erusalimde, aǵayinleriniń janında jasadı. 39Ner Kishtiń, Kish Shauldıń ákesi edi. Shaul Ionatannıń, Malkiy-Shuanıń, Abinadabtıń hám Eshbaaldıń ákesi edi. 40Ionatan Merib-Baaldıń, Merib-Baal Mixanıń ákesi edi. 41Mixanıń ulları: Piton, Melex hám Taxrea ▼. 42Axaz Yaranıń ákesi edi. Yara Alemet, Azmawet hám Zimriydiń ákesi edi. Zimriy Mosanıń, 43Mosa Bineanıń, Binea Refayanıń, Refaya Elasanıń, Elasa Aseldiń ákesi edi. 44Aseldiń altı ulı bar edi. Olardıń atları: Azriqam, Boxeru, Ismayıl, Sheariya, Obadiya hám Xanan. Bular Aseldiń ulları edi.
Copyright information for
KaaIBT22L