1Jo 1 | KaaIBT22L | STEP | Eń bastan bar bolǵan ómir Sózi haqqında: Onı esitkenimizdi, óz kózlerimiz benen kórgenimizdi hám anıqlap kórip, Oǵan qollarımızdı tiygizgenimizdi sizlerge járiyalap atırmız.

‏ 1 John 1

Ómir Sózi

1 Eń bastan bar bolǵan ómir Sózi ^{▼▼ Yuxn 1:1-14.} haqqında: Onı esitkenimizdi, óz kózlerimiz benen kórgenimizdi hám anıqlap kórip, Oǵan qollarımızdı tiygizgenimizdi sizlerge járiyalap atırmız. 2 Ómir ashıq kórindi, bizler Onı kórdik hám Ol tuwralı gúwalıq berip atırmız. Áke ^{▼▼ Áke – Quday.} menen birge bolıp, bizlerge kóringen máńgilik Ómirdi sizlerge járiyalap atırmız. 3 Sizler de bizler menen qarım-qatnasta bolıwıńız ushın, kórgenimizdi hám esitkenimizdi sizlerge járiyalap atırmız. Bizlerdiń qarım-qatnasımız bolsa, Áke hám Onıń Ulı Iysa Masiyx penen boladı. 4 Bulardı sizlerge quwanıshımız tolı bolıwı ushın jazıp atırmız.

Quday – nur

5 Iysa Masiyxtan esitip, sizlerge járiyalap atırǵan xabarımız bul: Quday – nur, Onda hesh qanday qarańǵılıq joq. 6 Eger Onıń menen qarım-qatnastamız dep, qarańǵılıqta júrgen bolsaq, jalǵan sóylep, haqıyqat boyınsha jasamaǵan bolamız. 7 Biraq Qudaydıń Ózi nurda bolǵanı sıyaqlı, bizler de nurda júrsek, bir-birimiz benen qarım-qatnasta bolamız hám Onıń Ulı Iysanıń qanı bizlerdi hár qanday gúnadan tazalaydı.

8 Gúnamız joq desek, óz-ózimizdi aldaǵan bolamız hám bizlerde haqıyqatlıq bolmaydı. 9 Eger gúnalarımızdı moyınlasaq, sadıq hám haq Quday gúnalarımızdı keshirip, bizlerdi hár qanday jamanlıqtan tazalaydı. 10 Eger gúna islemedik desek, Qudaydı ótirikshi qılıp qoyamız hám bizlerde Onıń sózi bolmaydı.