1 Kings 13:1-3
Yahudalı Qudaydıń adamı
1Yarobam qurbanlıqtı jaǵıp tútetiw ushın qurbanlıq orınnıń janında turǵan waqıtta, Qudaydıń adamı Jaratqan Iyeniń buyrıǵı boyınsha Yahudadan Beyt-Elge keldi. 2Ol Jaratqan Iyeniń buyrıǵı boyınsha, qurbanlıq orınǵa qarata bılay dep baqırdı: – Qurbanlıq orın, háy, qurbanlıq orın! Jaratqan Iye bılay deydi: «Dawıttıń urpaǵınan Ioshiya degen bir ul dúnyaǵa keledi. Ol qurbanlıqtı jaǵıp tútetip, sıyınıw orınlarında xızmet etken ruwxaniylerdi seniń ústińde qurbanlıqqa beredi. Seniń ústińde adamnıń súyekleri jaǵıladı». 3Sol kúni Qudaydıń adamı bunıń belgisi tuwralı bılay dedi: – Bul sózlerdi Jaratqan Iyeniń aytqanlıǵın bildiretuǵın belgi mınaw: mına qurbanlıq orın qaq ayırılıp, ústindegi kúl tógilip ketedi.
Copyright information for
KaaIBT22L