1 Timothy 3
Jámáát jetekshileri hám xızmetshileri haqqında
1«Eger kim de kim jámáát jetekshisi bolıwdı ańsasa, jaqsı isti arzıw etkeni», – degen sózler haqıyqat. 2Solay etip, jámáát jetekshisi ayıpsız, tek bir hayallı, salmaqlı, ózin tutıp biletuǵın, húrmetli, miymandos hám tálim beriwge qábiletli bolıwı shárt. 3Jáne de, ol máskúnemlikke berilgen, qızba, jánjelkesh, paydakúnem bolmay, al múláyim, 4óz úyin jaqsı basqaratuǵın, balalarına sózin tıńlatıp, ózin húrmet ettire alatuǵın adam bolıwı lazım. 5Sebebi óz úyin basqara almaytuǵın adam Qudaydıń jámáátine qalay ǵamxorlıq qıla aladı? 6Jetekshi jaqında isengen adam bolmawı tiyis. Olay bolsa, ol maqtanıp ketip, shaytan sıyaqlı jazaǵa duwshar bolıwı múmkin. 7Jáne de, ol ayıplanıp, shaytannıń duzaǵına túspewi ushın, jámááttiń sırtındaǵı adamlardıń aldında jaqsı atqa iye bolıwı kerek. 8Sol sıyaqlı, jámáát xızmetshileri de máskúnemlikke berilgen, haram paydanı gózleytuǵın adam bolmay, bir sózli hám húrmetli adamlar bolıwı shárt. 9Olar isenimniń tereń haqıyqatlıǵın bilip, taza hújdan menen is-háreket etiwi tiyis. 10Bul xızmetshiler de dáslep sınaqtan ótiwi lazım. Eger ayıpsız bolsa, xızmetke qoyılsın. 11Sonday-aq, xızmetshi hayallar da ósekshi bolmay, húrmetli, salmaqlı hám hámme iste isenimli bolsın. 12Jámáát xızmetshileri tek bir hayallı, balaların hám óz úy-ishin jaqsı basqaratuǵın adamlar bolsın. 13Xızmetin jaqsı atqarǵan xızmetshiler joqarı mártebege erisedi hám Masiyx Iysaǵa degen isenimde úlken batırlıqqa iye boladı.Ullı sır
14– 15Men jaqın arada seniń janıńa barıwdan úmit etemen. Biraq eger keshiksem, Qudaydıń shańaraǵında iseniwshilerdiń qalay is tutıwı kerekligin biliwiń ushın, saǵan usı xattı jazıp atırman. Qudaydıń shańaraǵı – haqıyqat tiregi hám tiykarı bolǵan tiri Qudaydıń jámááti. 16Qudaydıń jolınıń sırı ullı ekeni sózsiz: Keldi Masiyx adam denesinde,Muxaddes Ruwx tárepinen haq dep tastıyıqlandı Ol,
Perishtelerge kórindi,
Ol haqqında járiyalandı milletlerge,
Jer júzinde Oǵan isendi,
Ol joqarıǵa alındı saltanat penen.
Copyright information for
KaaIBT22L