2Ch 3 | KaaIBT22L | STEP | Sulayman Erusalimdegi Moriya tawında, ebuslı Ornannıń qırman jerinde Jaratqan Iyeniń Úyiniń qurılısın basladı. Bul jerdi ákesi Dawıt aldın ala tayarlap qoyǵan bolıp, ol jerde Jaratqan Iye Dawıtqa kóringen edi.

‏ 2 Chronicles 3

Qudaydıń Úyiniń qurılıwı

1 Sulayman Erusalimdegi Moriya tawında, ebuslı Ornannıń qırman jerinde Jaratqan Iyeniń Úyiniń qurılısın basladı. Bul jerdi ákesi Dawıt aldın ala tayarlap qoyǵan bolıp, ol jerde Jaratqan Iye Dawıtqa kóringen edi. 2 Sulayman qurılıstı óz patshalıǵınıń tórtinshi jılınıń ekinshi ayınıń ekinshi kúni basladı. 3 Qudaydıń Úyiniń irgetasınıń ólshemi eski ólshem birligi boyınsha mınaday boldı: uzınlıǵı alpıs shıǵanaq, eni jigirma shıǵanaq edi. 4 Qudaydıń Úyiniń imaratınıń aldınǵı jaǵındaǵı aywannıń uzınlıǵı Úy imaratınıń enindey, yaǵnıy jigirma shıǵanaq, biyikligi bir júz jigirma shıǵanaq edi. Sulayman Úydiń ishin sap altın menen qaplattı. 5 Onıń úlken bólmesiniń diywalların sárwi taxtashalar menen, olardıń ústin sap altın menen qaplattı. Altınnıń betine palma aǵashları menen shınjır naǵısların oydırıp saldırdı. 6 Ol Úydi qımbatbaha taslar menen áshekóyletti. Ol qollanǵan altın Parwayım jerinen alıp kelingen edi. 7 Sulayman Úydiń tóbesindegi órelerdi, qapınıń dógerek aǵashın, diywalların hám qapıların altın menen qaplatıp, diywallarǵa kerublardıń ^{▼▼ Kerub – qanatlı ruwxıy barlıq.} súwretlerin oyıp saldırdı. 8 Ol Eń muxaddes bólmeni de qurdırdı. Onıń uzınlıǵı da jigirma shıǵanaq, eni de jigirma shıǵanaq bolıp, Úydiń eni menen birdey ólshemde edi. Sulayman bul bólmeniń ishin altı júz talant ^{▼▼ Altı júz talant – bir talant shama menen 34 kg.} jaqsı altın menen qaplattı. 9 Onda qollanılǵan altın shegelerdiń awırlıǵı eliw shekel edi. Joqarǵı bólmelerdiń diywalları da altın menen qaplandı. 10 Eń muxaddes bólme ushın eki kerubtıń músinin isletip, olardı altın menen qaplattı. 11 Kerublardıń qanatlarınıń ulıwma uzınlıǵı jigirma shıǵanaq edi. Bir kerubtıń bir qanatı bes shıǵanaq bolıp, ol Úydiń bir diywalına tiyip turdı, al ekinshi qanatı da bes shıǵanaq bolıp, ol ekinshi kerubtıń qanatına tiyip turdı. 12 Sol sıyaqlı, ekinshi kerubtıń da bir qanatınıń uzınlıǵı bes shıǵanaq bolıp, ol Úydiń ekinshi diywalına tiyip turdı, al ekinshi qanatı da bes shıǵanaq bolıp, ol birinshi kerubtıń qanatına tiyip turdı. 13 Kerublardıń jayılǵan qanatlarınıń uzınlıǵı jigirma shıǵanaq boldı. Eki kerub ta tik ayaqta turǵan qálipte islenip, júzleri úlken bólmege qarap turdı. 14 Sulayman qızǵısh kók, shım qızıl, qırmızı jiplerden hám jińishke hasıl zıǵır jiplerden tawar toqıttı hám olardıń betine kerublardıń súwretlerin kesteletip, perde isletti. 15 Sulayman eki óre isletip, olardı Úydiń aldına qoydırdı. Hár bir óreniń biyikligi otız bes shıǵanaq, al olardıń ústindegi tóbeliginiń hár biriniń biyikligi bes shıǵanaq edi. 16 Ol halqa sıyaqlı oralıp turatuǵın shınjırlar isletip, olar menen óreniń joqarısın bezedi. Jáne, ol júz dana anar miywesin isletip, olardı shınjırlarǵa ildirtti. 17 Órelerdi Ibadatxananıń aldına: birewin qubla tárepine, ekinshisin arqa tárepine qoydırıp, qubladaǵısın Yaxin ^{▼▼ Yaxin – «Ol bekkemleydi» degendi bildiriw múmkin.}, arqadaǵısın Boaz ^{▼▼ Boaz – «Onda qúdiret bar» degendi bildiriw múmkin.} dep atadı.