Ephesians 1
Sálemnama
1Qudaydıń qálewi menen Masiyx Iysanıń elshisi bolǵan men, Pavelden, Masiyx Iysaǵa sadıq bolǵan Efes qalasındaǵı muxaddeslerge ▼▼ Muxaddesler – Iysaǵa iseniwshiler.
sálem! 2Ákemiz Quday hám Iyemiz Iysa Masiyx sizlerge miyrim hám tınıshlıq bersin! Ruwxıy jarılqaw
3Iyemiz Iysa Masiyxtıń Ákesi – Qudayǵa alǵıslar bolsın! Ol bizlerdi Masiyx arqalı aspandaǵı hár túrli ruwxıy jarılqawlar menen jarılqadı. 4Quday Óziniń aldında muxaddes hám minsiz bolıwımız ushın, Masiyx penen qatnasta bolǵan bizlerdi dúnya jaratılmastan burın tańlap aldı. Quday bizlerdi súyip, 5Iysa Masiyx arqalı Óziniń balaları qılıp asırap alıwdı aldın ala belgiledi. Bul Onıń ájayıp qálewi boyınsha boldı. 6Solay etip, súyikli Ulı arqalı bizlerge sıyǵa bergen ullı miyrimi sebepli Ózine alǵıs aytıwımız ushın, Quday usılay isledi. 7Masiyx penen qatnasta bolǵan bizler Onıń qanı arqalı qutqarıldıq, yaǵnıy Qudaydıń bay miyrimi boyınsha gúnalarımız keshirildi. 8Quday bul bay miyrimin pútkil aqıl-danalıq penen ústilerimizge jawdırıp, 9Óz erkiniń sırın bizlerge ashıp berdi. Bul Onıń Masiyx arqalı jobalastırǵan ájayıp maqseti boyınsha boldı. 10Belgilengen waqıt bolǵanda ámelge asatuǵın Qudaydıń jobası – jerdegilerdiń hám aspandaǵılardıń hámmesin Masiyxtıń basshılıǵında birlestiriwden ibarat. 11Hámme nárseni Óz qálewi menen iske asıratuǵın Qudaydıń erki boyınsha bizler aldın ala belgilenip, Masiyx arqalı tańlap alındıq. 12Bul Masiyxqa bastan-aq úmit etken bizlerdiń ullı Qudaydı alǵıslawımız ushın boldı. 13Haqıyqat sózin, yaǵnıy qutqarılıw haqqında Xosh Xabardı esitip, Masiyxqa isengenińizde, sizler de wáde etilgen Muxaddes Ruwx penen mórlenip, Qudayǵa tiyisli boldıńlar. 14Qudayǵa tiyisli bolǵan bizlerdiń tolıq qutqarılıwımızǵa deyin bul Muxaddes Ruwx – Qudaydıń bizlerge wáde etken miyrasınıń kepili. Bulardıń hámmesi bizlerdiń ullı Qudaydı alǵıslawımız ushın boldı.Paveldiń iseniwshiler ushın duwa etiwi
15Sonlıqtan Iyemiz Iysaǵa degen isenimińiz hám pútkil muxaddeslerge degen súyispenshiligińiz haqqında esitkenimnen beri, 16men sizler ushın tınbastan shúkirlik etemen. Jáne de, duwa etkenimde, sizlerdi bárqulla tilge alaman. 17Iyemiz Iysa Masiyxtıń Qudayı, dańq-saltanatqa iye Áke Ózin biliwińiz ushın, sizlerge danalıq hám ayan beriwshi Muxaddes Ruwxın bersin dep, Qudaydan sorap atırman. 18Qudaydıń shaqırıǵınan payda bolǵan úmitti hám Onıń muxaddeslerge bergen ullı miyrasınıń qanshelli bay ekenin biliwińiz ushın, júreklerińizdiń kózleri ashılsın dep, duwa etip atırman. 19Jáne de, Iysaǵa isengen bizlerde úlken qúdiret penen háreket etken Qudaydıń kúshiniń qanshelli ullı ekenin biliwińiz ushın da duwa etip atırman. 20Quday usı kúsh penen Masiyxta háreket etip, Onı ólimnen qayta tiriltti hám aspanda Óziniń oń jaǵına otırǵızdı ▼. 21Quday Masiyxtı barlıq hákimshilik hám biylikten, pútkil qúdiret hám húkimdarlıqtan, tek usı zamanda emes, al keleshek dáwirde de atalatuǵın hámme atlardan joqarı qoydı. 22Hámme nárseni Oǵan boysındırıp, baǵındırdı. Onı pútkil barlıqtıń ústinen qoyıp, iseniwshiler jámáátiniń bası qıldı. 23Iseniwshiler jámááti Masiyxtıń denesi bolıp, pútkil barlıqtı toltırıp turǵan Masiyxtıń tolılıǵına iye.
Copyright information for
KaaIBT22L