‏ Ezra 2

Súrginnen qaytıp kelgenlerdiń dizimi

1Babiloniya patshası Nabuxodonosordıń Babiloniyaǵa tutqın etip alıp ketken adamları súrgin etilip, tutqında bolǵan wálayatınan Erusalimge hám Yahudadaǵı óz qalalarına qaytıp keldi. 2Olar Zerubbabel, Eshua, Nexemiya, Seraya, Reelaya, Mordoxay, Bilshan, Mispar, Bigway, Rexum hám Baananıń basshılıǵında qaytıp keldi.

Súrginnen qaytqan Izrail erleriniń dizimi tómendegishe: 3Parosh urpaqlarınan – 2172 adam;
4Shefatiya urpaqlarınan – 372 adam;
5Arax urpaqlarınan – 775 adam;
6Paxat-Moab, yaǵnıy Eshua hám Ioab urpaqlarınan – 2812 adam;
7Elam urpaqlarınan – 1254 adam;
8Zattu urpaqlarınan – 945 adam;
9Zakkay urpaqlarınan – 760 adam;
10Baniy urpaqlarınan – 642 adam;
11Bebay urpaqlarınan – 623 adam;
12Azgad urpaqlarınan – 1222 adam;
13Adoniqam urpaqlarınan – 666 adam;
14Bigway urpaqlarınan – 2056 adam;
15Adin urpaqlarınan – 454 adam;
16Ater, yaǵnıy Xizkiya urpaqlarınan – 98 adam;
17Betsay urpaqlarınan – 323 adam;
18Iora urpaqlarınan – 112 adam;
19Xashum urpaqlarınan – 223 adam;
20Gibbar urpaqlarınan – 95 adam;
21Beytlehemlilerden – 123 adam;
22Netofalılardan – 56 adam;
23Anatotlılardan – 128 adam;
24Azmawetlilerden – 42 adam;
25Kiryat-Yarimlilerden, kefiralılardan hám beerotlılardan – 743 adam;
26Ramalılardan hám gebalılardan – 621 adam;
27Mixmaslılardan – 122 adam;
28Beyt-Ellilerden hám aylılardan – 223 adam;
29Nebolılardan – 52 adam;
30Magbishlilerden – 156 adam;
31Basqa elamlılardan – 1254 adam;
32Xarimlilerden – 320 adam;
33Lodlılardan, xadidlilerden hám onolılardan – 725 adam;
34Erixolılardan – 345 adam;
35Senalılardan – 3630 adam.
36Ruwxaniyler:
Eshua násilinen bolǵan Edaya urpaqlarınan – 973 adam;
37Immer urpaqlarınan – 1052 adam;
38Pashxur urpaqlarınan – 1247 adam;
39Xarim urpaqlarınan – 1017 adam.

40Lebiyliler: Hodawiya násilinen taraǵan Eshua hám Qadmiel urpaqlarınan – 74 adam.

41Qosıqshılar: Asaf urpaqlarınan – 128 adam.

42Dárwaza qarawılları: Shallum, Ater, Talmon, Aqqub, Xatita hám Shobay urpaqlarınan – 139 adam.

43Ibadatxana xızmetshileri:

Sixa urpaqlarınan, Xasufa urpaqlarınan, Tabbaot urpaqlarınan, 44Keros urpaqlarınan, Siaha urpaqlarınan, Padon urpaqlarınan, 45Lebana urpaqlarınan, Xagaba urpaqlarınan, Aqqub urpaqlarınan, 46Xagab urpaqlarınan, Shalmay urpaqlarınan, Xanan urpaqlarınan, 47Giddel urpaqlarınan, Gaxar urpaqlarınan, Reaya urpaqlarınan, 48Resin urpaqlarınan, Neqoda urpaqlarınan, Gazzam urpaqlarınan, 49Uzza urpaqlarınan, Paseax urpaqlarınan, Besay urpaqlarınan, 50Asna urpaqlarınan, Meunim urpaqlarınan, Nefusim urpaqlarınan, 51Baqbuq urpaqlarınan, Xaqufa urpaqlarınan, Xarxur urpaqlarınan, 52Baslut urpaqlarınan, Mexida urpaqlarınan, Xarsha urpaqlarınan, 53Barqos urpaqlarınan, Sisera urpaqlarınan, Temax urpaqlarınan, 54Neziax urpaqlarınan hám Xatifa urpaqlarınan edi.

55Sulaymannıń márdikarǵa alınǵan xızmetshileriniń urpaqları:

Sotay urpaqlarınan, Soferet urpaqlarınan, Peruda urpaqlarınan, 56Yala urpaqlarınan, Darqon urpaqlarınan, Giddel urpaqlarınan, 57Shefatiya urpaqlarınan, Xattil urpaqlarınan, Pokeret-Hassebayım urpaqlarınan hám Amiy urpaqlarınan edi.

58Ibadatxana xızmetshileri menen Sulaymannıń xızmetshileriniń urpaqlarınan barlıǵı bolıp 392 adam edi.

59Tel-Melax, Tel-Xarsha, Kerub, Addan hám Immer qalalarınan kóship kelgen, biraq ózleriniń shıǵısın hám Izraildıń qaysı urıwına tiyisli ekenin dálilley almaǵanlar mınalar edi:

60Delaya, Tobiya hám Neqoda urpaqlarınan – 652 adam.

61Sonday-aq, ruwxaniyler násilinen bolǵan Xabayya urpaqları, Haqqos urpaqları hám giladlı Barzillaydıń qızlarınıń birine úylenip, qáyin atasınıń atı menen atalǵan Barzillay urpaqları. 62Bular jazba shejireden óz shıǵısın izledi, biraq taba almaǵanlıqtan qanı taza emes dep, ruwxaniylik xızmetinen shetletildi. 63Hákim olarǵa Urim hám Tummimnen ▼

▼ Urim hám Tummim – bul Qudaydıń erkin biliw ushın arnalǵan taslar bolıp, olardı shek taslaw jolı menen qollanǵan bolıwı múmkin.

paydalana alatuǵın ruwxaniy shıqpaǵansha, tek ruwxaniylerge beriletuǵın eń muxaddes taǵamnan jemewdi buyırdı.

64Súrginnen qaytqan pútkil jámiyet hámmesi bolıp 42 360 adam edi. 65Bulardan tısqarı, olardıń 7337 qul hám shorıları, 200 erkek hám hayal qosıqshıları bar edi. 66Súrginnen qaytqanlardıń 736 atı, 245 ǵashırı, 67435 túyesi hám 6720 eshegi bar edi.

68Olar Erusalimdegi Jaratqan Iyeniń Úyine keliwden-aq, Qudaydıń Úyin óz ornına qayta tiklew ushın, ayırım urpaq basshıları ıqtıyarlı sadaqalar usındı. 69Hár biri shaması kelgenin berdi. Bul is ushın qaznaǵa 61 000 darik ▼

▼ 61 000 darik – bir darik shama menen 8,4 gr.

altın, 5000 mina ▼

▼ 5000 mina – bir mina shama menen 550 gr.

gúmis hám 100 ruwxaniylik kiyim berildi.

70Ruwxaniyler, lebiyliler, xalıq ishinen ayırım adamlar, qosıqshılar, dárwaza qarawılları hám Ibadatxana xızmetshileri óz qalalarına ornalastı. Qalǵan barlıq izraillılar da óz qalalarına ornalasıp aldı.