Gen 14:17-20 | KaaIBT22L | STEP | Ibram Kedorlaomer hám onıń awqamlasları ústinen jeńiske erisip qaytıp kiyatırǵanda, Sodom patshası onı kútip alıw ushın Shawe oypatlıǵına , yaǵnıy Patsha oypatlıǵına shıqtı.

‏ Genesis 14:17-20

Melkisedektiń Ibramǵa pátiyasın beriwi

17 Ibram Kedorlaomer hám onıń awqamlasları ústinen jeńiske erisip qaytıp kiyatırǵanda, Sodom patshası onı kútip alıw ushın Shawe oypatlıǵına ^{▼▼ Shawe oypatlıǵı – Erusalimniń shıǵısındaǵı Kidron sayınıń bir tárepi.}, yaǵnıy Patsha oypatlıǵına shıqtı.

18 Quday Taalanıń ruwxaniyi bolǵan Salim ^{▼▼ Salim – Erusalimniń eski atı.} patshası Melkisedek nan hám sharap alıp shıqtı. 19 Ol Ibramǵa pátiyasın berip, bılay dedi:

«Aspan hám jerdi jaratqan Quday Taala
Ibramdı jarılqasın.
20 Dushpanlarıńdı táslim ettirgen
Quday Taalaǵa alǵıslar bolsın».

Sonda Ibram Melkisedekke ózindegi barlıq nárselerden onnan birin berdi.