Heb 1 | KaaIBT22L | STEP | Quday áyyemgi zamanlarda payǵambarlar arqalı kóp mártebe hám hár túrli jollar menen ata-babalarımızǵa sóylegen edi.

‏ Hebrews 1

Quday Óz Ulı Iysa arqalı sóyledi

1 Quday áyyemgi zamanlarda payǵambarlar arqalı kóp mártebe hám hár túrli jollar menen ata-babalarımızǵa sóylegen edi. 2 Al bul sońǵı waqıtlarda bolsa, Quday bizlerge Óz Ulı Iysa arqalı sóyledi. Quday Óz Ulın pútkil barlıqtıń miyrasxorı etip belgilep, Ol arqalı pútkil dúnyanı jaratqan edi. 3 Qudaydıń Ulı – Qudaydıń saltanatınıń jarqıraǵan nurı bolıp, Ol Qudaydıń tábiyatınıń haqıyqattan qanday ekenin kórsetedi. Ul Óziniń qúdiretli sózi menen pútkil barlıqtı saqlap tur. Ol Ózin qurban etip, bizlerdi gúnalarımızdan tazalaǵannan soń, joqarıdaǵı qúdiretli Qudaydıń oń jaǵına otırdı.

Iysa perishtelerden ullı

4 Qudaydıń Ulı perishtelerden qanshelli joqarı attı alǵan bolsa, Ol olardan sonshelli ústin turadı. 5 Óytkeni Quday perishtelerdiń qaysı birine: «Sen Meniń Ulımsań,
Búgin Men Saǵan Áke boldım». ^{▼▼ Zab 2:7.}

Jáne de: «Men Oǵan Áke bolaman,
Ol Maǵan Ul boladı», ^{▼▼ 2Pat 7:14.} –

degen edi? 6 Jáne de, Quday tuńǵısh Ulın dúnyaǵa jiberip atırıp bılay degen: «Meniń barlıq perishtelerim Oǵan sıyınsın». ^{▼▼ Nzm 32:43; Zab 96:7.}

7 Al perishteler haqqında bolsa, Muxaddes Jazıw bılay deydi: «Quday Óz perishtelerin samalday,
Xızmetshilerin ottıń jalınınday qıladı». ^{▼▼ Zab 103:4.}

8 Biraq, Qudaydıń Ulı haqqında Muxaddes Jazıw bılay deydi: «Quday, taxtıń máńgi-baqıy turar,
Seniń patshalıq hasań – ádalat hasasıdur.
9 Sen ádillikti súyip, nızamsızlıqtı jek kórdiń.
Sonıń ushın, Quday, Seniń Qudayıń,
Doslarıńnan góre kóbirek Seni,
Quwanısh mayı menen mayladı». ^{▼▼ Zab 44:7-8.}

10 Jáne de, bılay deydi: «O Iyemiz,
Áwel basta jerdiń tiykarın Sen salǵansań.
Kókler Seniń qollarıńnıń dóretpesi.
11 Olar joq boladı, al Sen dawam eteseń.
Olardıń hámmesi de kiyimdey tozıp qaladı.
12 Olardı shapan sıyaqlı orap qoyasań,
Olar kiyim sıyaqlı ózgertiledi.
Biraq Sen ózgermeyseń,
Hesh tawısılmaydı Seniń jıllarıń». ^{▼▼ Zab 101:26-28.}

13 Quday perishtelerdiń hesh birine de: «Dushpanlarıńdı ayaǵıńnıń astına bastırmaǵanımsha,
Meniń oń jaǵımda otır», ^{▼▼ Zab 109:1.} –

demegen. 14 Aqırı perishtelerdiń hámmesi qutqarılıwǵa iye bolatuǵınlarǵa xızmet qılıw ushın jiberilgen xızmetshi ruwxlar.