Hos 3 | KaaIBT22L | STEP | Jaratqan Iye maǵan bılay dedi: – Sen jáne bar! Oynası bar hám buzıqshılıq islegen bolsa da, hayalıńa qaytadan súyispenshiligińdi kórset. Jaratqan Iye bolǵan Meniń Izrail xalqın súygenim sıyaqlı, sen de hayalıńdı súy. Izrail xalqı basqa qudaylarǵa burılıp ketti hám nıǵızlanǵan kishmishti jaqsı kóredi.

‏ Hosea 3

Hoshea hám onıń opasız hayalı

1 Jaratqan Iye maǵan bılay dedi:

– Sen jáne bar! Oynası bar hám buzıqshılıq islegen bolsa da, hayalıńa qaytadan súyispenshiligińdi kórset. Jaratqan Iye bolǵan Meniń Izrail xalqın súygenim sıyaqlı, sen de hayalıńdı súy. Izrail xalqı basqa qudaylarǵa burılıp ketti hám nıǵızlanǵan kishmishti jaqsı kóredi.

2 Solay etip, men on bes shekel ^{▼▼ On bes shekel – bir shekel shama menen 11 gr.} gúmiske, bir yarım xomer ^{▼▼ Bir yarım xomer – bir xomer shama menen 220 l.} arpaǵa óz hayalımdı qaytarıp satıp aldım. 3 Oǵan:

– Sen uzaq waqıt meniń menen jasaysań. Buzıqshılıq qılmaysań. Birde bir erkekke jaqınlamaysań, men de saǵan jaqınlaspayman, – dedim. 4 Óytkeni Izrail xalqı da uzaq waqıt dawamında patshasız, basshısız, qurbanlıqsız, kiyeli tassız, efod ^{▼▼ Efod – sózlikke qarań.} hám kiyeli músinsiz jasaydı. 5 Sonnan keyin, Izrail xalqı qaytadan Qudayı Jaratqan Iyeni hám Dawıt patshanı izleydi. Aqırǵı kúnlerde olar Jaratqan Iyeden qorqıp, Onıń iygiligin qabıllaytuǵın boladı.