Isa 12 | KaaIBT22L | STEP | Sol kúni sen bılay deyseń: «Jaratqan Iye! Seni alǵıslayman. Sen maǵan ǵázeplendiń, Biraq Óz ǵázebińdi basıp, Meni jubattıń.

‏ Isaiah 12

Alǵıs-maqtaw qosıǵı

1 Sol kúni sen bılay deyseń: «Jaratqan Iye! Seni alǵıslayman.
Sen maǵan ǵázeplendiń,
Biraq Óz ǵázebińdi basıp,
Meni jubattıń.
2 Haqıyqattan da, Quday meniń qutqarıwshım,
Oǵan úmit baylayman, endi qorqpayman,
Sebebi Jaratqan Iye bolǵan Quday meniń kúsh-qúdiretim,
Ol meni qutqarıwǵa keldi».

3 Qutqarılıw bulaqlarınan quwanısh penen suw alasızlar.
4 Sol kúni bılay deysizler:
«Jaratqan Iyege minnetdarshılıq bildirip,
Onıń atın aytıp shaqırıńlar,
Xalıqlarǵa Onıń islerin bildirip,
Atınıń ullılıǵın járiyalańlar.
5 Jaratqan Iyege saz shertip, alǵıs aytıńlar,
Sebebi Ol ullı isler isledi,
Bunı pútkil dúnya bilsin!
6 Quwanıshtan qıshqır Sion xalqı, shadlanıp baqır,
Óytkeni arańızdaǵı Izraildıń Muxaddesi ullı!»