Isaiah 20
Mısır hám Xabashstan tuwralı payǵambarshılıq
1Assiriyanıń sárkárdası Assiriya patshası Sargonnıń buyrıǵı menen Ashdodqa hújim jasap, qalanı qolǵa kirgizgen jılı, 2Jaratqan Iye Amos ulı Iyshaya arqalı sóyledi. Ol Iyshayaǵa: – Barıp, ústińdegi aza kiyimdi hám ayaǵıńdaǵı sandaldı sheship tasla, – dedi. Ol solay islep, jalańash hám jalańayaq júrdi. 3Sonda Jaratqan Iye bılay dedi: – Qulım Iyshayanıń úsh jıl jalańash hám jalańayaq júrgeni Mısır hám Xabashstan ushın belgi hám nıshan boladı. 4Mısırdı shermende qılıw ushın Assiriya patshası Mısır tutqınların, Xabashstannan súrgin bolǵanlardı, olardıń jasın hám ǵarrısın jalańash, jalańayaq, uyatlı jerleri ashıq halda aydap ketedi. 5Xabashstanǵa úmit baylap, Mısır menen maqtanǵanlar qorqıp, uyatqa qaladı. 6Sol kúni bul teńiz jaǵasınıń turǵınları bılay deydi: «Qara, Assiriya patshasınan qutılıw ushın járdem kútip, úmit baylaǵanımız ne boldı?! Endi bizler qalay qashıp qutılamız?»
Copyright information for
KaaIBT22L