Isaiah 27
Izraildıń qutqarılıwı
1Sol kúni Jaratqan Iye ǵázepli, ullı hám qúdiretli qılıshı menen,Qashıp baratırǵan, iyreńlegen jılandı, Liwyatandı ▼
▼ Liwyatan – teńizde jasaytuǵın úlken maqluq.
jazalaydı.Ol teńizdegi usı aydarhanı óltiredi.
2Sol kúni ájayıp júzimzar tuwralı qosıq aytıń:
3«Men, Jaratqan Iye onıń qarawılıman,
Bárqulla onı suwǵarıp,
Hesh kim zıyan tiygizbesin dep,
Kúni-túni onı qarawıllayman.
4Men ǵázeplenbeymen.
Eger tiken hám jantaqlar Maǵan qarsı shıqsa,
Men olar menen urısıp,
Olardı tolıq jaǵıp jiberemen.
5Yamasa olar Mennen pana izlep kelsin,
Meniń menen kelisim dúzsin,
Awa, Meniń menen kelisim dúzsin».
6Keleshekte Yaqıptıń urpaǵı tamır jayadı,
Izrail búrtik jarıp, gúlleydi,
Jer betin miywege toltıradı.
7Jaratqan Iye izraillılardı,
Olardı jazalaǵanlardı jazalaǵanday etip jazaladı ma?
Yamasa izraillılardı,
Olardı óltirgenlerdi óltirgendey etip óltirdi me?
8Jaratqan Iye olardı húkim etti,
Quwıp, súrgin qıldı.
Olardı shıǵıs samalı kibi,
Ǵázepli demi menen quwıp shıǵardı.
9Solay etip, Yaqıptıń urpaqlarınıń ayıbı alıp taslanıp,
Gúnasınıń óteliwiniń miywesi mınaw boladı:
Qurbanlıq orınnıń barlıq tasların,
Hák tasları kibi sındırǵanda,
Kiyeli aǵashlar da,
Tútetki tútetiletuǵın orınlar da qalmaydı.
10Qorǵan qala qańırap bosap,
Shólge uqsap tárk etilip,
Taslandı jurtqa aylanadı.
Ol jerde baspaqlar otlaydı,
Aǵash shaqaların sıp-sıydam etip, sol jerde jatadı.
11Shaqaları quwrap sınadı,
Hayallar kelip, olardı jaǵadı.
Bul xalıq es-aqılınan ayırılǵan,
Sonlıqtan Jaratqanı da olarǵa rehim etpes,
Jaratıwshısı da olarǵa mehir kórsetpes.
12Sol kúni Jaratqan Iye Evfrat dáryasınan Mısır shegarasındaǵı sayǵa deyin dándi qawıǵınan ayırıp, Izrail xalqın birme-bir jıynap aladı. 13Sol kúni ullı kárnay shalınadı. Assiriyada joq bolǵanlar hám Mısırǵa súrgin etilgenler kelip, Erusalimdegi muxaddes tawda Jaratqan Iyege sıyınadı.
Copyright information for
KaaIBT22L