Isa 4 | KaaIBT22L | STEP | Sol kúni jeti hayal bir erkekke jabısıp, oǵan: «Bizler óz nanımızdı jep, óz kiyimimizdi kiyemiz, Bizlerdi óz nekeńe alıp, Shermendelikten qutqarsań bolǵanı»,

‏ Isaiah 4

1 Sol kúni jeti hayal bir erkekke jabısıp, oǵan:
«Bizler óz nanımızdı jep, óz kiyimimizdi kiyemiz,
Bizlerdi óz nekeńe alıp,
Shermendelikten qutqarsań bolǵanı», – deydi.

Erusalimniń keleshegi

2 Sol kúni Jaratqan Iye otırǵızǵan nál gózzal hám saltanatlı boladı. Jerdiń miywesi de Izraildıń aman qalǵanlarına maqtanısh hám dańq boladı. 3 Sionda qalǵanlar, Erusalimde aman qalǵanlar – Erusalimde tiri qalıw táǵdirine jazılǵan hár bir adam «muxaddes» dep ataladı. 4 Iyemiz Sion qızlarınıń napákligin juwıp taslaǵanda, Erusalimde tógilgen qandı da húkim ruwxı hám ot ruwxı menen tazalaydı. 5 Sońınan Jaratqan Iye Sion tawınıń hámme tárepiniń ústine hám ol jerge jıynalǵanlardıń ústine kúndiz bult hám tútin, túnde jalınlaǵan ottıń jaqtısın jaratadı. Pútkil saltanat ústi qaplanǵan bolıp, 6 ol kúndizgi ıssıda shatır, dawıl menen jawında pana hám qorǵanısh boladı.