Jer 45 | KaaIBT22L | STEP | Yahuda patshası Ioshiya ulı Ehoyakimniń patshalıǵınıń tórtinshi jılında Neriya ulı Barux Eremiyanıń awzınan mına sózlerdi kitapqa jazıp otırǵanda, Eremiya payǵambardıń Baruxqa aytqan sózi:

‏ Jeremiah 45

Jaratqan Iyeniń Baruxqa aytqan sózi

1 Yahuda patshası Ioshiya ulı Ehoyakimniń patshalıǵınıń tórtinshi jılında Neriya ulı Barux Eremiyanıń awzınan mına sózlerdi kitapqa jazıp otırǵanda, Eremiya payǵambardıń Baruxqa aytqan sózi:

2 – Barux, Izraildıń Qudayı Jaratqan Iye saǵan bılay deydi:

3 «Sen: „Sorım qurısın! Óytkeni Jaratqan Iye dártime qayǵı-hásiret qostı, ıńqılday berip sharshadım, hesh tınıshlıq tappay atırman“, – deyseń». 4 Jaratqan Iye maǵan Baruxqa bılay dep ayt dedi: «Mına pútkil jer júzinde qurǵanımdı qırıp taslayman, ekkenimdi suwırıp taslayman. 5 Sen óziń ushın ullı nárselerdi izleyseń be? Izleme, sebebi Men pútkil adamzattıń basına apatshılıq jawdıraman, – deydi Jaratqan Iye. – Al saǵan hámme jerde, qayaqqa barsań da janıńdı ózińe olja qılaman».