Jeremiah 47
Filistler tuwralı payǵambarshılıq
1Faraon Gazaǵa hújim qılmastan aldın, Jaratqan Iyeden Eremiya payǵambarǵa filistler tuwralı sóz tústi. 2Jaratqan Iye bılay deydi:«Arqadan suwlar kóterilip,
Dárya kibi tolıp tasıp,
Jerdi hám onı toltırıp turǵan nárselerdi,
Qalanı hám onda jasaytuǵınlardı basıp ketedi.
Adamlar dad-páriyad qılıp,
Sol jerde jasaytuǵın pútkil xalıq ahıw-nala shegedi.
3Kúshli atlardıń tuyaqlarınıń dúrsildisinen,
Sawash arbalarınıń tasırlısınan,
Dóńgelekleriniń dawıslarınan,
Qollarında dárman qalmaǵan ákeler,
Balalarına qayırılıp ta qaramaydı.
4Sonday kún keledi,
Pútkil filistler qırıp taslanadı.
Tir menen Sidonnıń sońǵı awqamlasları joq qılınadı.
Jaratqan Iye Kaftor jaǵasınan kelgen filistlerdiń,
Aman qalǵanların joq qıladı.
5Gaza aza tutıp shashın aldıradı,
Ashkelon únsiz qaladı.
Tiri qalǵan oypatlıq turǵınları!
Qashanǵa deyin ǵam shegip, óz deneńizdi tilkimleysiz?
6„Ah, Jaratqan Iyeniń qılıshı!
Qashan tınısh tabasań?
Qınıńa kir,
Tınıshlanıp, demińdi al!“
7Jaratqan Iye oǵan buyrıq bergen bolsa,
Ol qalay tınıshlansın?
Jaratqan Iye Óz qılıshın,
Ashkelonǵa hám teńiz jaǵasına jolladı».
Copyright information for
KaaIBT22L