Job 25
Bildadtıń úshinshi sózi
1Sonda shuwaxlı Bildad bılay dedi: 2– Qudayda biylik bar hám Ol aybatlı!Ol Óziniń biyik aspanında tınıshlıq ornatqan.
3Onıń láshkerlerin sanawǵa san jete me?
Ol jaqtılıǵın kimniń ústine túsirmeydi?
4Sonda insan Qudaydıń aldında qalay ádil bola aladı?
Hayal zatınan tuwılǵan qalay pák bola aladı?
5Hátte, Qudaydıń názerinde ay da jarıq emes,
Juldızlar da pák emes.
6Solay eken, insan Qudaydıń kózine qurt sıyaqlı,
Adam balası kúye qurtı sıyaqlı kóriner.
Copyright information for
KaaIBT22L