Jos 16 | KaaIBT22L | STEP | Yusup urpaǵınıń shegine túsken jerlerdiń shegaraları Erixo janındaǵı Iordan dáryasınan, Erixo bulaqlarınıń shıǵıs tárepinen baslanıp, shól arqalı Erixodan Beyt-Eldiń tawlı úlkesine qaray sozıladı.

‏ Joshua 16

Efrayım urıwına berilgen jerler

1 Yusup urpaǵınıń shegine túsken jerlerdiń shegaraları Erixo janındaǵı Iordan dáryasınan, Erixo bulaqlarınıń shıǵıs tárepinen baslanıp, shól arqalı Erixodan Beyt-Eldiń tawlı úlkesine qaray sozıladı. 2 Keyin Beyt-Elden Luzǵa ótip, Ark tiyresiniń jeri bolǵan Atarotqa qaray sozıladı. 3 Shegara sol jerden batıstaǵı Yaflet urpaǵınıń jerlerine, tómende Beyt-Xoron úlkesine, ol jerden Gezerge túsedi hám Jer Orta teńizine kelip tawısıladı.

4 Solay etip, Yusuptiń ulları Menashshe hám Efrayım usı jerlerdi úles etip aldı.

5 Tiyre sanına qaray, Efrayım urıwınıń úlesine tiygen jerlerdiń shegarası shıǵısta Atrot-Addardan joqarıdaǵı Beyt-Xoronǵa qaray sozılıp, 6 Jer Orta teńizine baradı. Arqadaǵı Mixmetattan shıǵısqa, Taanat-Shiloǵa qaray burılıp, qala boylap, Yanoaxtıń shıǵısına qaray sozıladı. 7 Bul jerden Atarot hám Naaraǵa túsedi, Erixoǵa jetip, Iordan dáryasına barıp tawısıladı. 8 Tappuaxtan batısqa qaray Qana sayına deyin sozılıp, Jer Orta teńizinde tawısıladı. Tiyre sanına qaray, Efrayım urıwınıń úlesi usı edi. 9 Bunnan tısqarı, Menashshe urıwına tiygen úles jerdiń ishinde Efrayım urıwına tiyisli qalalar hám olardıń átiraplarındaǵı awıllar bar edi.

10 Degen menen, Efrayım urıwı Gezerde jasaǵan qananlılardı quwıp shıǵarmadı. Qananlılar búgingi kúnge deyin Efrayım urıwınıń arasında jasaydı hám olar ushın erksiz xızmetshige aylanǵan.